កាលព្រឹកថ្ងៃព្រហស្បតិ៍៩រោច ខែអាសាឍ ឆ្នាំកុរឯកស័ក ព.ស២៥៦៣ត្រូវនឹងថ្ងៃទី២៥ ខែកក្កដា ឆ្នាំ២០១៩ វេលាម៉ោង០៨ និង៣០ម្សិលមិញនេះ កំលាំងរដ្ឋបាលជលផលខេត្តសៀមរាប ដឹកនាំដោលោក ស្រី កែវ សុភះ នាយរងខណ្ឌរដ្ឋបាលលជលផលខេត្ត ដោយមានការសហការជាមួយសហគមន៍នេសាទកែវពណ៌ កងរាជអាវុធហត្ថ ប្រជាការពារ និងកំលាំងប៉ុស្តិ៍នគរបាលរដ្ឋបាលឃុំកែវពណ៌ សរុបប្រមាណ៣៥នាក់ បានចុះបង្ក្រាបទល្មើសនេសាទ នៅចំណុចអូរប្រតប់ រហូតដល់មាត់ពាមស្ទឹងកំបុត ក្នុងភូមិសាស្ត្រឃុំកែវពណ៍ ស្រុកពួក ខេត្តសៀមរាប។
ក្នុងប្រតិបត្តិការណ៍នោះដែរកម្លាំងជំនាញបានដកហូតឧបករណ៍ប្រើប្រាស់ខុសច្បាប់មួយចំនួន រួមមាន៖
ឧបករណ៍ ប ចំនួន ៣០គ្រឿង, របាំងសាច់អួនចំនួន ៣.៧០០ម៉ែត្រ, ចំរឹង ចំនួន៣.២០០ដើម
និងចាក់លែងកូនត្រីចំរុះប្រមាណ៥០គីឡូចូលទៅក្នុងទឹកវិញ ចំនែកឯឧបករណ៍ខុសច្បាប់ដែលរឹបអូសបានទាំងអស់ ត្រូវបានកម្លាំងជំនាញធ្វើការកាប់បំផ្លាញចោលនៅហ្នឹងកន្លែងភ្លាមៗតែម្តង។
អត្ថបទ និង រូបភាព៖ ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ
