កាលពីព្រឹកថ្ងៃទី២៦ ខែកក្កដា ឆ្នាំ២០១៩ លោក ពិន ប្រាកដ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប បានចូលរួមជាអធិបតីភាពក្នុងពិធីចុះកិច្ចសន្យាផលិតកម្មកសិកម្ម ស្ដីពីការផលិត និងផ្គត់ផ្គង់ស្រូវ និងគ្រាប់ពូជស្រូវរវាងសហគមន៍កសិកម្មក្នុងខេត្តសៀមរាប កំពង់ធំ និងក្រុមហ៊ុនអេមរុរ៉ាយស៍ និងមានការចូលរួមពីសហគមន៌អភិវឌ្ឍន៌កសិកម្មចំនួន១៦ រួមមានខេត្តកំពង់ធំ ចំនួន ១២សហគមន៌ និងខេត្តសៀមរាបចំនួន ៤សហគមន៌ នឹងចុះកិច្ចសន្យា ស្រូវ និងគ្រាប់ពូជស្រូវ (Paddy rice and seed contract farming)ជាមួយក្រុមហ៊ុនអេមុរ៉ាយ៌។ ។
ក្នុងឱកាសនេះដែរ លោក ពិន ប្រាកដ បានមានប្រសាសន៍ថា ការចុះកិច្ចសន្យានៅពេលនេះជាសមិទ្ឋផលមួយដែល សម្រេចបានជោគជ័យក្នុងវិស័យចុះកិច្ចសន្យាទិញ លក់ផលិតផល ដោយមានការគាំទ្រពីមន្ទីរកសិកម្ម រុក្ខាប្រមាញ់ និងនេសាទកន្លងមកនេះ ការខិតខំប្រឹងប្រែងរបស់ថ្នាក់ដឹកនាំ និង មន្ត្រី រាជការនៃមន្ទីរកសិកម្ម រុក្ខាប្រមាញ់ និងនេសាទខេត្ត ក្នុងកិច្ចសហការ សម្របសម្រួល និងបំពេញការងារ ព្រមទាំងការ លះបង់ កម្លាំងកាយចិត្តនានា ដូចក្នុងរយៈកាលកន្លងមកនេះ មន្ទីរកសិកម្ម រុក្ខាប្រមាញ់ និងនេសាទខេត្ត បានចុះអប់រំ ផ្សព្វផ្សាយបច្ចេកទេសដាំដុះ ចងក្រងសហគមន៍កសិកម្ម និងជួយរកទីផ្សារ ដល់សហគមន៍ផងដែល កត្តាទាំងអស់នេះហើយទើបធ្វើឲ្យយើងសម្រេចបាន សមិទ្ធផលជាច្រើន ក្នុងរយៈពេលមួយឆ្នាំកន្លងមកនេះ។
លោក ពិន ប្រាកដ ក៏បានថ្លែងអំណរគុណដល់ វិទ្យាស្ថានស្រាវជ្រាវដំណាំស្រូវអន្តរជាតិ (IRRI)ការិយាល័យប្រចាំកម្ពុជា បានធ្វើការក្នុងភាពជាដៃគូជាមួយ អគ្គនាយកដ្ឋានកសិកម្ម និងមន្ទីរកសិកម្ម រុក្ខាប្រមាញ់និងនេសាទ នៅក្នុងខេត្តគោលដៅគម្រោង“ជំរុញការទទួលយកពូជស្រូវធន់នឹងល័ក្ខខ័ណ្ឌមិនអំណោយផលរបស់កសិករខ្នាតតូចនៅកម្ពុជា” របស់ទីភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិហៅកាត់ថាយូសេធ ដើម្បីសម្របសម្រួលដំណើរការចុះកិច្ចសន្យា នៃការអនុវត្តកសិកម្មតាមកិច្ចសន្យា៕
ព័ត៌មានជាតិ ថ្មីៗ
អត្តបទនិងរូបភាព៖រដ្ឋបាលខេត្តសៀមរាប
កែសម្រួលអត្ថបទ ៖ អ៊ុន ណារាជ្យ
