លោកឧត្តមសេនីយ៏ត្រី ជា គឹមសាន ស្នងការរងទទួលផែនការងារអន្តោប្រវេសន៍ បានឲ្យដឹងថា នៅវេលាម៉ោង ១០ និង០០នាទីព្រឹក ថ្ងៃទី ២៥ ខែកក្កដា ឆ្នាំ២០១៩ កម្លាំងការិយាល័យស៊ើបអង្កេតនិងអនុវត្តនីតិវិធីបានទទួលជនបរទេសម្នាក់ពីកម្លាំងអធិការដ្ឋាននគរបាលក្រុងសៀមរាប ពាក់ព័ន្ធនឹងករណីលួចស្នាក់នៅខុសច្បាប់ ។
លោកឧត្តមសេនីយ៏ត្រី បានឲ្យដឹងទៀតថា ជនបរទេសរូបនេះឈ្មោះ GORIUP MARKUS ភេទប្រុសកើតថ្ងៃទី២៣ ខែកញ្ញា ឆ្នាំ១៩៧៤ ជនជាតិអូទ្រីស កាន់លិខិតឆ្លងដែនលេខ P៨០៧០៥៣៣ ទិដ្ឋាការស្នាក់នៅប្រភេទ EG ផុតសុពលភាពកាលថ្ងៃទី១១ ខែវិច្ឆិកា ឆ្នាំ២០១៨ មុខរបរគ្មាន។
ជនបរទេសរូបនេះបានចូលមកព្រះរាជាណាចក្រកម្ពុជា លើកចុងក្រោយកាលពីថ្ងៃទី ១១ ខែមេសា ឆ្នាំ២០១៨ តាមច្រកទ្វារព្រំដែនអន្តរជាតិបាវិត ស្នាក់នៅបន្ទប់ជួល ភូមិ តាវៀន សង្កាត់ សាលាកំរើកក្រុងខេត្តសៀមរាប។ ហើយបើតាមការបបញ្ជាក់ ជនបរទេសរូបនេះ មិនមានថវិការ ទើបមិនបានបន្តសុពលភាពទិដ្ឋាការស្នាក់នៅឲ្យបានត្រឹមត្រូវ។
ព័ត៌មានជាតិ ថ្មីៗ
បច្ចុប្បន្នជនបរទេសរូបនេះត្រូវបានបញ្ជូនទៅស្នាក់ការត្រៀមបណ្តេញចេញប្រចាំខេត្តសៀមរាប ដើម្បីចាត់ការបន្តតាមនីតិវិធីបន្ត ៕
អត្ថបទ និង រូបភាព៖ ថាច់ ពិសុទ្ធ
កែសម្រួលអត្ថបទ ៖ អ៊ុន ណារាជ្យ
