ថ្ងៃទី២៨ ខែកក្កដា ឆ្នាំ២០១៩ម្សិលមិញនេះ លោក គឹម ប៉ុណ្ណា ប្រធានមន្ទីរសាធារណការនិងដឹកជញ្ជូនខេត្តសៀមរាប បានដឹកនាំក្រុមការងារចុះពិនិត្យបច្ចេកទេសការអនុវត្ដការងារជាប្រចាំតាមបណ្ដាខ្សែផ្លូវក្នុងខេត្ដ ដែលមន្ទីរកំពុងអនុវត្ដ។
លោក គឹម ប៉ុណ្ណា បានឲ្យដឹងថា ក្នុងប្រតិបត្តការណ៍នេះដែរ ក្រុមការងារបានបន្តការងារសម្អាតផ្លូវខេត្តលេខ២៦៧ ចំនុចខាងកើតផ្សារកន្ត្រក បាន250ម៉ែត្រ ហើយបានកាយពង្រីកផ្លូវខេត្តលេខ២៦៦F ក្នុងផែនការពហុឆ្នាំ ថ្ងៃនេះអនុវត្តបាន200ម៉ែ និងបានជួសជុលផ្លូវលេខ26(ផ្លូវអង្គរវីឡា) ក្រុងសៀមរាប បាន30ម៉ែត្រការ៉េ។
លោកប្រធានមន្ទីរ បន្តឲ្យដឹងថា ក្នុងនោះដែរ ក្រុកការងាររបស់មន្ទីរ ក៏បានបន្តការងារស្រោចកៅស៊ូលើស្នាមប្រេះ បាចកំទេចថ្មM១៩ លើផ្លូវខេត្តលេខ២៦៦ ពីចំនុចឃុំកំពង់ក្ដី ដល់ឃុំខ្វាវ ស្រុកជីក្រែង ចន្លោះPK:១ ដល់PK:២ បានចំនួន50ម៉ែត្រការ៉េ ហើយបានបន្តកៀរកិនបង្ហាប់ដីក្រហមលើផ្លូវខេត្តលេខ២ SR១៤ ពិចំនុចឃុំដំដែក ដល់ឃុំតាយែក ស្រុកសូទ្រនិគម ចាប់ពីPK:00+៦00 ដល់PK:0២+000 បាន១,៤គ.ម និងបានជួសជុលបំពេញចិញ្ចើមផ្លូវជាតិលេខ៦៧ ចន្លោះPK:១២ ដល់PK:១៥ ដែលបានច្រោះដាច់ បាន100ម៉ែត្រ ព្រមទាំងបានសម្អាតរុក្ខជាតិសង្ខាងផ្លូវ ចាប់ពីPK:២ ដល់PK:២ បានមួយចំនួនធំផងដែរ។
ព័ត៌មានជាតិ ថ្មីៗ
អត្តបទនិងរូបភាព៖មន្ទីរសាធារណការ និងដឹកជញ្ជូនខេត្តសៀមរាប
កែសម្រួលអត្ថបទ ៖ អ៊ុន ណារាជ្យ
