មនុស្សម្នាក់ស្លាប់និង០៤នាក់ទៀត រងរបួសស្រាលដោយសាររន្ទះបាញ់ក្នុងស្រុកវ៉ារិន

លោកវរសេនីយ៍ទោ ហុង ប៉ូហេង អធិការនគរបាលស្រុកវ៉ារិន បានឲ្យដឹងថា នៅវេលាម៉ោង១៥ និង០០នាទី ថ្ងៃទី២៨ ខែកក្កដា ឆ្នាំ២០១៩ល្ងាចមិញនេះ មានករណី រន្ទះបាញ់ ដែលបណ្ដាលអោយស្លាប់ក្មេងប្រុសម្នាក់ និងរបួសស្រាល០៤នាក់ទៀត ដែលបានកើតឡើងនៅចំណុច វាលពងក្រៀល ខាងជើងភូមិចំងាយ២គីឡូម៉ែត្រពីភូមិ គោកស្រុក ឃុំវ៉ារិនស្រុកវ៉ារិនខេត្តសៀមរាប។

លោកអធិការ បានឲ្យដឹងទៀតថា ជនរងគ្រោះទាំង ០៥នាក់រួមមាន៖ ១-ឈ្មោះ សឿ បញ្ញា ភេទប្រុស អាយុ១៤ឆ្នាំ បានស្លាប់ភ្លាមៗនឹងកន្លែង, ទី២-ឈ្មោះ រាជ កឹក ភេទប្រុស អាយុ១៥ឆ្នាំ រងរបួសស្រាល , ទី៣- ឈ្មោះ រាជ ពន្លឺ ភេទស្រី អាយុ៩ឆ្នាំ រងរបួសស្រាល, ទី៤- ឈ្មោះថុន ធាវ ភេទប្រុស អាយុ១២ឆ្នាំ រងរបួសស្រាល, និងទី៥- ឈ្មោះ លាវ សាស ភេទប្រុស អាយុ១២ឆ្នាំ រងរបួសស្រាល ហើយជនរងគ្រោះទាំង ០៥ មានទីលំនៅក្នុងភូមិជាមួយគ្នា ស្ថិតក្នុងភូមិ គោកស្រុក ឃុំវ៉ារិនស្រុកវ៉ារិនខេត្តសៀមរាប ។

លោកវរសេនីយ៍ទោ ហុង ប៉ូហេង បញ្ជាក់បន្ថែមថា មុនពេលកើតហេតុមានភ្លៀងតិចៗ ហើយជនរងគ្រោះទាំង ០៥នាក់កំពុងឃ្វាលគោ ពេលភ្លៀងខ្លាំងក៏ជ្រោកក្រោមម្លប់ឈើដុតភ្លើងអាំង ស្រាប់រន្ទះបាញ់បានបាញ់មើលលើជនរងគ្រោះតែម្ដង។
ហើយក្រោយទទួលបានពត៌មានកម្លាំងនគរបាលក៏បានចុះទៅពិនិត្យ ហើយឃើញថាករណីនេះគឺពិតបណ្តាលមកពីករណីរន្ទះបាញ់ពិតប្រាកដមែន និងបានប្រគលសពកុមាររងគ្រោះឲ្យទោក្រុមគ្រួសារយកទៅធ្វើបុណ្យតាមប្រពៃណី ៕