ថ្ងៃទី៣០ ខែកក្កដា ឆ្នាំ២០១៩ រដ្ឋបាលស្រុកប្រាសាទបាគង បានរៀបចំពិធីប្រគល់ដើមឈើនិងរៀបចំសួនច្បាររដ្ឋបាលស្រុកប្រាសាទបាគង ដែលបានសហការឧបត្ថម្ភដោយ ក្រុមហ៊ុន វ្យាធបុរ: អភិវឌ្ឍន៍ ឯ.ក ក្រោមអធិបតីភាព លោក ទៀប ប៊ុនឈួយ ប្រធានក្រុមប្រឹក្សាស្រុក លោក សូរ ប្លាតុង អភិបាល នៃគណ:អភិបាលស្រុក និងលោក សែម សុខខូយ អគ្គនាយកក្រុមហ៊ុន វ្យាធបុរ:អភិវឌ្ឍន៏ ឯ.ក។
នៅក្នុងពិធីនោះដែលក៏មានការប្រគល់អំពូលបំភ្លឺសាធារណៈ(សូឡា) ពីលោក ភូ ភក្តី តំណាងក្រុមហ៊ុន យុវពាណិជ្ជចំនួន ១០ផ្ទាំងហើយរដ្ឋបាលស្រុកធ្វើការបែងចែកជូនទៅឃុំទាំង៩ ក្នុង ១ឃុំទទួលបាន ១ផ្ទាំងនិងដាក់នៅរដ្ឋបាលស្រុក ១ផ្ទាំង។
កម្មវិធីនេះ ថ្វើឡើងក្នុងន័យលើកម្ពស់ការចូលរួមថែរក្សាបរិស្ថាន ការស្រលាញ់ធម្មជាតិ ពិសេសការចូលរួមកាត់បន្ថយកំដៅភពផែនដី
និងរៀបចំសាលាស្រុកអោយមានសោភ័ណ្ឌភាព មានការទាក់ទាញនិងចូលរួមថែរក្សានិងដាំកូនឈើអោយមានលំនឹងបរិស្ថានល្អផ្សារភ្ជាប់រដ្ឋបាលស្រុកជាមួយពាណិជ្ជករ អាជីវករ និងប្រជាពលរដ្ឋ(មនុស្ស1ម្នាក់ ដើមឈើ1ដើម) ។
សមាសភាពចូលរួមមាន សមាជិកក្រុមប្រឹក្សាស្រុក គណៈអភិបាលស្រុក កងកំលាំងប្រដាប់អាវុធទាំង៣ មន្ត្រីសាលាស្រុកនិងការិយាល័យអង្គភាពជុំវិញស្រុក យុវជនស្រុក សសយកស្រុក កាកបាទក្រហមស្រុក មេឃុំ ស្មៀនឃុំ ប៉ុស្តិ៍នគរបាលឃុំ ទាំង៩ មណ្ឌលសុខភាពទាំង៨ សិស្សានុសិស្ស សហគមន៍និងអាជីវករ
សរុបអ្នកចូលរួម ២៣៥នាក់ ស្រី ១៤៥នាក់ ដើមឈើក្រញ៉ូង២០០០ដើម និងដើមផ្កាចំនួន ៥០០ដើម(ដើមត្របែកព្រៃ,ដើមលឿងរាជ,ដើមក្ងោក,ដើមរំដួល)សរុបដើមឈើ ២៥០០ដើម ៕
អត្តបទនិងរូបភាព៖រដ្ឋបាលស្រុកប្រាសាទបាគង
កែសម្រួល៖ អ៊ុន ណារាជ្យ
