នៅល្ងាចថ្ងៃទី០៦ ខែសីហា ឆ្នាំ២០១៩ម្សិលមិញនេះ ជនសង្ស័យចំនួន ០៤នាក់ដែលជាប់ពាក់ព័ន្ធករណីគ្រឿងញៀន ត្រូវបានកំលាំងការិយាល័យប្រឆាំងគ្រឿងញៀនខេត្ត បញ្ជូនខ្លួនទៅកាន់សាលាដំបូងខេត្តហើយកាលពីល្ងាចម្សិលមិញនេះ ។
ជនសង្ស័យចំនួន ០៤នាក់រួមមាន ៖
ទី១– ឈ្មោះ នឹម សំនៀង ហៅតាន ភេទប្រុស ឆ្នាំកំណើត ១៩៩៤ ជនជាតិខ្មែរ មានទីលំនៅក្នុងភូមិ ខ្វៀន សង្កាត់គោកចក ក្រុងខេត្តសៀមរាប,
ទី២– ឈ្មោះ សឿន សុវណ្ណ ភេទប្រុសឆ្នាំកំណើត១៩៨៤ ជនជាតិខ្មែរ មានទីលំនៅភូមិ ខ្វៀន សង្កាត់គោកចក ក្រុងខេត្តសៀម
រាប ,
ទី៣– ឈ្មោះ សែម ស៊ីមហុង ភេទប្រុសឆ្នាំកំណើត១៩៩២ ជនជាតិខ្មែរ មានទីលំនៅភូមិខ្វៀន សង្កាត់គោកចក ក្រុងខេត្តសៀមរាប , និង
ទី៤– ឈ្មោះ វ៉ាន់ ក្រឹម ភេទប្រុស ឆ្នាំកំណើត ១៩៨៧ ជនជាតិខ្មែរ មានទីលំនៅភូមិជ្រៃ ឃុំខ្វាវ ស្រុកជីក្រែង ខេត្តសៀមរាប។
សូមបញ្ជាក់ថា ជនសង្ស័យទាំង ០៤នាក់ ត្រូវបានកំលាំងការិយាល័យប្រឆាំងគ្រឿងញៀន បានចូលរួមសហការ ជាមួយកំលាំងអធិការដ្ឋាននគរបាលស្រុកជីក្រែង និងកម្លាំងប៉ុស្តិ៍នគរបាលរដ្ឋបាលសង្កាត់គោកចកនៃអធិការក្រុងសៀមរាប បានចុះបង្ក្រាប ក្នុងករណីចាត់ចែង និងប្រើប្រាស់ដោយខុសច្បាប់នូវសារធាតុញៀន កាលថ្ងៃទី០៥ ខែសីហា ឆ្នាំ២០១៩ នៅចំនុចចំនួន២ ភូមិជ្រៃ ឃុំខ្វាវ ស្រុកជីក្រែង និងទី២ស្ថិតក្នុងភូមិខ្វៀន សង្កាត់គោកចក ក្រុងខេត្តសៀមរាប និងដកហូតវត្ថុតាងមានម្សៅមេតំហ្វេតាមីនចំនួន ០១កញ្ចប់ស្មើនឹងទំងន់ ០.០១ ក្រាមទាំងសំបក ឧបករណ៍ប្រើប្រាស់គ្រឿងញៀនមួយចំនួន និង ទូរស័ព្ទដៃ ចំនួន ០២គ្រឿង រីឯជនសង្ស័យទាំង០៤នាក់ ត្រូវកម្លាំងសមត្ថកិច្ចបញ្ជូនខ្លួនទៅសាលាដំបូងខេត្តដើម្បីចាត់ការតាមនីតិវិធីច្បាប់ កាលពីល្ងាចថ្ងៃទី០៦ ខែសីហា ឆ្នាំ២០១៩ម្សិលមិញនេះ ៕
អត្ថបទ និង រូបភាព ៖ ថាច់ ពិសុទ្ធ
កែសម្រួល៖ អ៊ុន ណារាជ្យ
