នៅព្រឹកថ្ងៃទី០៧ ខែសីហា ឆ្នាំ២០១៩នេះ ក្រុមការងារបច្ចេកទេសរបស់មន្ទីរអភិវឌ្ឍជនបទខេត្តសៀមរាប បានចុះជួសជុលអណ្តូងគម្រោងអាហ្វីដេសចំនួន ៥០អណ្តូង ក្នុង ៥ស្រុក ១ក្រុង ស្មើ ១២ឃុំ ១សង្កាត់ មាន ៣៦ភូមិ ដែលមានអ្នកទទួលផលសរុបចំនួន ៧៥៥គ្រួរសារ។
ក្នុងនោះដែរស្រុកដែលបានជួសជុលអណ្តូងមានដូចជា ស្រុកស្រីស្នំមានចំនួន ៥ឃុំ ១៥ភូមិ បានជួសជុលអណ្តូងសរុបចំនួន ២៥ អណ្តូង , ស្រុកក្រឡាញ់មានចំនួន ១ឃុំ ៤ភូមិ បានជួសជុលអណ្តូងសរុបចំនួន ១០អណ្តូង , ស្រុកអង្គរជុំមានចំនួន ២ឃុំ ៧ភូមិ បានជួសជុលអណ្តូងសរុបចំនួន ១៥អណ្តូង , ស្រុកបន្ទាយស្រីមានចំនួន ២ឃុំ ២ភូមិ ដោយបានជួសជុលអណ្តូង ១០អណ្តូង , ស្រុកពួកមានចំនួន ២ឃុំ ៣ភូមិ បានជួសជុលអណ្តូង ១២អណ្តូង និងក្រុងសៀមរាបមានចំនួន ១សង្កាត់ ៥ភូមិ ដោយបានជួសជុលអណ្តូងបានចំនួន៨ អណ្តូង។
សូមបញ្ជាក់ផងដែរថា សម្រាប់ឆ្នាំ២០១៩នេះ ក្រុមការងារបច្ចេកទេសរបស់មន្ទីរអភិវឌ្ឍជនបទខេត្ត ក៏បានសាងសង់អណ្ដូងបានសរុបចំនួន ១៣អណ្តូង ក្នុងស្រុកចំនួន ៣ ស្មើ ៤ឃុំ រួមមាន ស្រុកអង្គរធំសាងស់អណ្តូងថ្មី ៥អណ្តូង ក្នុងឃុំ ពាក់ស្នែង៣និងជប់តាត្រាវ២ ស្រុកវ៉ារិនសាងស់អណ្តូងថ្មី ៥អណ្តូង ក្នុងឃុំស្វាយសមាន៣ភូមិ ស្រុកពួកសាងស់អណ្តូងថ្មី៣អណ្តូង ក្នុងឃុំរើលមាន ៣ភូមិផងដែរ ៕
ព័ត៌មានជាតិ ថ្មីៗ
អត្តបទនិងរូបភាព៖រដ្ឋបាលខេត្តសៀមរាប
កែសម្រួល៖ អ៊ុន ណារាជ្យ
