ក្រោយពីដំណើរការជួសជុលអគារវះកាត់(ក)ជាន់ផ្ទាល់ដី និងសង់បន្ថែមពីលើមួយជាន់ទៀតចាប់ផ្តើមជួសជុល និងសាងសង់ពីខែមករារហូតដល់ខែកក្កដាឆ្នាំ២០១៩ ដោយចំណាយថវិកាសរុបអស់ចំនួន១២៨,០០០ដុល្លាអាមេរិក(មួយរយម្ភៃប្រាំបីពាន់ដុល្លារ) និងសម្ភារៈ បំពាក់ក្នុងអគារនេះជាអំណោយដ៏ថ្លៃថ្លាបំផុតរបស់ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងារថ្នាក់ជាតិចុះជួយមូលដ្ឋានខេត្តសៀមរាប និងលោកជំទាវ ព្រមទាំងបុត្រាបុត្រី និងចៅៗ សមិទ្ឋផលនេះបានកាត់ខ្សែបូរសម្ពោធដាក់ឲ្យប្រើប្រាស់ជាផ្លូវការ នាថ្ងៃទី៩ខែសីហាឆ្នាំ២០១៩។
ក្នុងរបាយការណ៍របស់ លោកវេជ្ជបណ្ឌិត ក្រុស សារ៉ាត់ ប្រធានមន្ទីរសុខាភិបាលខេត្ត លើកឡើងថា នៅក្នុងមន្ទីរពេទ្យបង្អែកខេត្ត គឺត្រូវការជាចាំបាច់ក្នុងការពង្រីកនូវហេដ្ឋារចនាសម្ព័ន្ធជាបន្តបន្ទាប់ ដើម្បីសមស្របទៅនឹងទិដ្ឋភាពជាក់ស្តែងនៃកំណើនអ្នកជម្ងឺសម្រាកពេទ្យ និងចំនួនកំណើនដ៏ច្រើនរបស់ប្រជាជនក្នុងខេត្តសៀមរាប និងខេត្តជិតខាង មកស្វែងរកសេវាព្យាបាលជំងឺនៅក្នុងមន្ទីរពេទ្យបង្អែកខេត្តសៀមរាប។
ដោយមើលឃើញពីកំណើននៃការផ្តល់សេវា និងការខ្វះខាតនេះ ថ្នាក់ដឹកនាំមន្ទីរសុខាភិបាលខេត្ត និង
គណៈកម្មការមន្ទីរពេទ្យបង្អែកខេត្តសៀមរាបបានសម្រេចសាងសង់អគ្គីរជាន់ទី១បន្ថែមពីលើអគារជម្ងឺទូទៅ “ក ដោយប្រើប្រាស់ថវិកាហិរញ្ញប្បទានរបស់មន្ទីរពេទ្យផ្ទាល់ និងសប្បុរសជនជាច្រើនតាមរយៈធ្វើបុណ្យផ្កាប្រាក់ព្រមទាំង ជំនួយថវិការបស់លោកជំទាវឧកញ៉ា សៀង ចាន់ហេង អគ្គនាយិកាក្រុមហ៊ុនហេអភិវឌ្ឍត្រូវបានសាងសង់រួចរាល់។
បន្ថែមពីនេះដោយទឹកចិត្តសប្បុរសធម៌ និងការមើលឃើញពីការលំបាកនៃអ្នកជម្ងឺក្នុងការមកសម្រាកព្យាបាលមិនទាន់បានគ្រប់គ្រាន់ និងសមរម្យ លោកជំទាវឧកញ៉ា ក៏បានជួយឧបត្ថម្ភថវិកាសម្រាប់ការជួសជុល និងពង្រីកបន្ថែមលើអគារចាស់មួយទៀត មានទំហំ២២គុណនឹង១៩ម៉ែត្រដែលគ្រោង នឹងចំណាយថវិកាចំនួនជាង១៦០.០០០ដុល្លារអាមេរិក។
ព័ត៌មានជាតិ ថ្មីៗ
លោក ក្រុស សារ៉ាត់ មានប្រសាសន៍បន្ថែមថា មន្ទីរពេទ្យបង្អែកខេត្តសៀមរាបមានផ្នែកសម្រាកពេទ្យជាច្រើនដែលបានផ្តល់សេវាយ៉ាងសកម្មបំផុតជូនបងប្អូនប្រជាពលរដ្ឋ ២៤ម៉ោងលើ២៤ម៉ោង ដូចជា ផ្នែកសេវាសង្គ្រោះបឋម ផ្នែកប្រពោធនកម្មទូទៅ ផ្នែកប្រពោធនកម្មវះកាត់ សេវាជំងឺទូទៅ ផ្នែកវះកាត់
ផ្នែកសម្ភព រោគស្ត្រីនិងកុមារ សេវាត្រចៀកច្រមុះ បំពង់កចក្ខុរោគ និង ផ្នែកព្យាបាលជម្ងឺរបេង។
លោក បញ្ជាក់បន្ថែមថា ជាក់ស្តែងនៅក្នុងអំឡុងខែមិថុនាកន្លងទៅនេះ មន្ទីរពេទ្យបង្អែកខេត្តទទួលពិគ្រោះអ្នកជម្ងឺសរុបចំនួន៦៨០ជករណី ទទួលអ្នកជម្ងឺសម្រាកព្យាបាលចំនួន២៣៥១នាក់ ចំនួននេះបានធ្វើឲ្យអត្រានៃ ការប្រើប្រាស់គ្រែលើសពី១០០% ក្នុងនោះបានជាសះស្បើយចំនួន២២២៣នាក់ និងបញ្ជូនចំនួន១៤នាក់។ទោះជាយ៉ាងនេះក្តី ក្នុងនាមមន្ទីសុខាភិបាលខេត្ត មន្ទីរពេទ្យបង្អែកខេត្ត និងបុគ្គលិកមន្ត្រីរាជកានៃមន្ទីរពេទ្យបង្អែកខេត្ត ស៊ូទ្រាំ និងគ្រប់មធ្យោបាយក្នុងការផ្តលំសវាឲ្យមានគុណភាព ប្រសិទ្ធិភាព ដូន
ប្អូនប្រជាពរដ្ឋយើង។
មានប្រសាសន៍ក្នុងឱកាសនេះដែរ លោកជំទាវ ឧកញ៉ា សៀងចាន់ហេង ក៏បានចាត់ទុក អគារវៈកាត់ថ្មីដែលរៀបចំពិធីសម្ពោធដាក់ឲ្យប្រើប្រាស់ជាផ្លូវនាពេលនេះនឹងចូលរួមចំណែកមួយផ្នែកទៀតដល់មន្ទីរពេទ្យបង្អែកខេត្តសៀមរាបសម្រាប់ផ្តល់សេវាថែទាំព្យាបាលជូនពលរដ្ឋនិងបានកែលម្អឲ្យកាន់តែប្រសើរឡើងនូវស្ថានភាពសុខភាពរបស់ប្រជាពលរដ្ឋនៅក្នុងខេត្តផងដែរ
។
លោកជំទាវ ឧកញ៉ា សៀងចាន់ហេង ក៏សូមធ្វើការអំពាវនាវដល់ថ្នាក់ដឹកនាំ មន្ត្រីនិងបុក្គលិកសុខាភិបាលទាំងអស់ សូមបន្តលើកកម្ពស់នូវគុណធម៌ក្រមសីលធម៌វិជ្ជាជីវៈរបស់គ្រូពេទ្យដោយផ្តោតការយកចិត្តទុកដាក់ក្នុងការព្យាបាលជំងឺដោយមិនមានការរើសសំរាប់ប្រជាពលរដ្ឋណាម្នាក់ឡើយ។ ទន្ទឹមនឹងនោះសុំឲ្យបងប្អូនប្រជាពលរដ្ឋដែលមកសម្រាកព្យាបាលនៅទីនេះ មេត្តាយោគយល់នូវការហត់នឿយរបស់លោកគ្រូពេទ្យអ្នកគ្រូពេទ្យផងដែរ។
លោក ពិន ប្រាកដ អភិបាលរងខេត្ត មានប្រសាសន៍ថា អគារវះកាត់នេះ គឺជាសមិទ្ធផលថ្មីមួយថែមទៀតសម្រាប់បងប្អូនប្រជាពលរដ្ឋយើង ក្នុងការលើកកម្ពស់សេវាសុខភាព និងជាទីកន្លែងដែលជួយឲ្យបងប្អូនដែលមក សម្រាកព្យាបាលមានភាពងាយស្រួល និងបានភាពប្រសើរជាងមុន មានន័យថាទាំងថ្នាក់ដឹកនាំរាជរដ្ឋាភិបាល អាជ្ញាធរខេត្ត ក្រុង-ស្រុក សប្បុរសជន និងមន្ទីរ-អង្គភាពនានា តែងតែយកចិត្តទុកដាក់ខ្ពស់ចំពោះសុខទុក្ខការលំបាកវេទនា និងភាពឈឺចាប់របស់បងប្អូនគ្រប់កាលៈទេសៈទាំងអស់ក្នុងប្រទេសរបស់យើង។
លោកអភិបាលរងខេត្ត បានមានប្រសាសន៍ផ្តាំផ្ញើដល់ថ្នាក់ដឹកនាំ មន្ត្រីរាជការសុខាភិបាលដែលបម្រើការនៅទីនេះ មេត្តាចូលរួមថែរក្សាអាគារមណ្ឌលសុខភាពនេះឲ្យបានគង់វង្សយូរអង្វែងតទៅ ព្រោះវាជាទ្រព្យសម្បត្តិរួមរបស់យើងទាំងអស់គ្នា។
អត្ថបទ និង រូបភាព ៖ យូ វង្ស
កែសម្រួល៖ អ៊ុន ណារាជ្យ
