ជនសង្ស័យចំនួន ០៥នាក់ ដែលជាប់ពាក់ព័ន្ធករណីគ្រឿងញៀន ត្រូវបាននគរបាលគ្រឿងញៀនបញ្ជូនខ្លួនទៅកាន់សាលាដំបូងខេត្ត ហើយនៅថ្ងៃទី២១ ខែសីហា ឆ្នាំ២០១៩នេះ ។
ជនសង្ស័យទាំង០៥នាក់រួមមាន ៖ ១-ឈ្មោះ ធី វុទ្ធា ភេទប្រុស ឆ្នាំកំណើត១៩៩២ មុខរបរគ្មាន មានទីលំនៅភូមិស្ទឹងថ្មី សង្កាត់ស្វាយដង្គំ ក្រុង ខេត្តសៀមរាប ជាប់ពាក់ព័ន្ធករណីចាត់ចែង និងប្រើប្រាស់ ហើយមានសារធាតុញៀនក្នុងខ្លួន , ទី២-ឈ្មោះ គឹម សល់ ភេទប្រុស ឆ្នាំកំណើត ១៩៨២ មុខរបរគ្មាន ទីលំនៅភូមិភ្នំក្រោម សង្កាត់សៀមរាប ក្រុងខេត្តសៀមរាប ជាប់ពាក់ព័ន្ធករណីរក្សាទុក , ទី៣ -ឈ្មោះ តាន់ ចន្ធូ ហៅលីន
ភេទស្រី ឆ្នាំកំណើត១៩៨៩ មុខរបរគ្មានទីលំនៅភូមិស្ទឹងថ្មី សង្កាត់ស្វាយដង្គំ ក្រុងខេត្តសៀមរាប ជាប់ពាក់ព័ន្ធករណី សម្រួល និងប្រើប្រាស់ ហើយមានសារធាតុញៀនក្នុងខ្លួន, ទី៤-ឈ្មោះ ធី ប៊ុនថែន ភេទប្រុសឆ្នាំ
កំណើត១៩៩៦ មុខរបរគ្មានទីលំនៅភូមិគោកតាចាន់ សង្កាត់គោកចក ក្រុងខេត្តសៀមរាប ជាប់ពាក់ព័ន្ធករណី រក្សាទុក ជួញដូរ និងប្រើប្រាស់ ហើយមានសារធាតុញៀនក្នុងខ្លួន, និង ទី៥-ឈ្មោះ ថាង វណ្ណះ ភេទប្រុស ឆ្នាំកំណើត ២០០៤ មុខរបរគ្មាន ទីលំនៅភូមិគោកតាចាន់ សង្កាត់ គោកចក ក្រុង ខេត្តសៀមរាប ជាប់ពាក់ព័ន្ធករណី ប្រើប្រាស់ មិងមានសារធាតុញៀនក្នុងខ្លួន ។
សូមបញ្ជាក់ថា ជណសង្ស័យទាំង០៥នាក់ត្រូវបាន កំលាំងការិយាល័យប្រឆាំងគ្រឿងញៀន បានការចូលរួមសហការពីកំលាំងប៉ុស្តិ៍នគរបាលរដ្ឋបាលសង្កាត់ស្វាយដង្កំ និងកំលាំងប៉ុស្តិ៏នគរបាលរដ្ឋបាលសង្កាត់គោកចកនៃអធិការក្រុងសៀមរាប បានចុះបង្ក្រាប កាលពីថ្ងៃទី២០ ខែសីហា ឆ្នាំ២០១៩ នៅទីតាំងចំនួនពីរ គឺទី១ នៅចំនុចផ្ទះសំណាក់ហ្គា ស៊ី ស្ថិតនៅភូមិស្ទឹងថ្មី សង្កាត់ស្វាយដង្គំ និងទី២ នៅចំណុចភូមិគោកតាចាន់ សង្កាត់ គោកចក ក្រុង ខេត្តសៀមរាប និងដកហូតវត្ថុតាងមានម្សៅមេតំហ្វេតាមីនចំនួន២៨កញ្ចប់ ស្មើនឹងទំងន់១៣.៥ក្រាម ទាំងសំបក , ឧបករណ៏ប្រើប្រាស់គ្រឿងញៀនមួយចំនួន និងទូរស័ព្ទដៃចំនួន០៤គ្រឿង៕
អត្ថបទ និង រូបភាព ៖ ថាច់ ពិសុទ្ធ
កែសម្រួល ៖ អ៊ុន ណារាជ្យ
