តាមខ្លឹមសារនៃលិខិតមួយរបស់អាជ្ញាធរជាតិអប្សរា បានឲ្យដឹងថា អាជ្ញាធរជាតិអប្សរា នឹងរៀបចំបាឋកថាស្ដីអំពី «វប្បធម៌សំស្ក្រឹត និងការសិក្សានៅសម័យមុនអង្គរនិងសម័យអង្គរ» នៅថ្ងៃទី២៧ ខែសីហា ឆ្នាំ២០១៩ខាងមុខនេះ នៅសាលសន្និសីទអង្គរ នៃមជ្ឈមណ្ឌលអាជ្ញាធរជាតិអប្សរា ចាប់ពីម៉ោង៩ព្រឹក ដល់ម៉ោង១២ថ្ងៃត្រង់ ដែលបាឋកថានេះ ធ្វើឡើងដោយកញ្ញាបណ្ឌិត ឆោម គន្ធា អ្នកជំនាញផ្នែកសិលាចារឹករបស់អាជ្ញាធរជាតិអប្សរា។
កញ្ញាបណ្ឌិត ឆោម គន្ធា បានបញ្ជាក់ថា កម្ពុជា ជារដ្ឋបុរាណមួយនៅអាស៊ីអាគ្នេយ៍ ដែលមានវប្បធម៌សំស្ក្រឹតរីកចម្រើនគួរឲ្យកត់សម្គាល់ ហើយការរីកចម្រើននេះកើតមានបានដោយសារការផ្ទេរចំណេះពីមួយជំនាន់ទៅមួយជំនាន់មិនដាច់ ដូច្នេះតាមរយៈបទបង្ហាញនេះ កញ្ញានឹងពន្យល់អំពីទិដ្ឋភាពចំនួនបួននៃការសិក្សា «តាមបែបសំស្ក្រឹត» នៅសម័យមុនអង្គរ និងសម័យអង្គរ គឺ៖ ១. មុខវិជ្ជា , ២. គ្រូនិងសិស្ស , ៣. សាលា និង ៤. របៀបរៀន ៕
ព័ត៌មានជាតិ ថ្មីៗ
អត្ថបទ និង រូបថត ៖ លោក ម៉ាត់ អារីហ្វីន
កែសម្រួលអត្ថបទ ៖ លោក លីវ សាន្ត
