លោកវរៈសេនីយ៍ទោ សុខ សុទ្ធាវុធ អធិការនគរបាលស្រុកជីក្រែង បានឲ្យដឹងថា វេលាម៉ោង០១:០០នាទី ថ្ងៃទី២៣ ខែសីហា ឆ្នាំ២០១៩នេះ មានករណីគ្រោះថ្នាក់ចរាចររវាងរថយន្ត និងរថយន្ត នៅលើផ្លូវជាតិលេខ៦ ត្រង់ចំណុច ភូមិតាអុង ឃុំល្វែងឬស្សី ស្រុកជីក្រែង ខេត្តសៀមរាប ។
លោកអធិការ បន្តឲ្យដឹងទៀតថា ករណីគ្រោះថ្នាក់ចរាចរណ៍នេះ បង្កឡើងដោយរថយន្តពីរគ្រឿង គឺមួយគ្រឿងម៉ាក TOYOTA COROLLA ពាក់ស្លាកលេខភ្នំពេញ 2B- 5325 ពណ៌ក្រហម ប្រភេទទេសចរណ៍ បើកបរដោយឈ្មោះ រុន រដ្ឋា ភេទ ប្រុស អាយុ៣២ឆ្នាំ នៅភូមិលាភទង ឃុំទ្រា ស្រុកស្ទោង ខេត្តកំពង់ធំ ដឹកមនុស្ស១នាក់ ឈ្មោះ ច្រិប ធុង ភេទប្រុស អាយុ៣៦ឆ្នាំ ទីលំនៅភូមិត្នោត ឃុំកំពង់ចិនជើង ស្រុកស្ទោង ខេត្តកំពង់ធំ បើកបរទិសដៅពីកើតទៅលិច ក្នុងល្បឿនលឿន មិនប្រកាន់ស្តាំហើយបានបុកជាមួយរថយន្តម៉ាក Hyundai ពាក់ស្លាកលេខត្បូងឃ្មុំ 3A-2329 ពណ៌ខៀវ ប្រភេទក្បាលសណ្តោង អ្នកបើកបរមិនស្គាល់អត្តសញ្ញាណ ទិសដៅពីលិចទៅកើត បណ្ដាលឲ្យបុកគ្នាពេញទំហឹងតែម្ដង ។
លោកវរៈសេនីយ៍ទោ សុខ សុទ្ធាវុធ បញ្ជាក់បន្ថែមទៀតថា ក្នុងករណីគ្រោះថ្នាក់ចរាចរណ៍នេះបានបណ្ដាលឲ្យអ្នកបើករថយន្ត TOYOTA COROLLA ឈ្មោះ រុន រដ្ឋា ស្លាប់ភ្លាមនឹងកន្លែង និងអ្នករួមដំណើរម្នា់ទៀតបានរបួសធ្ងន់ ចំណែកឯអ្នកបើករថយន្ត Hyundai បានរត់គេចខ្លួនបាត់ ។
ព័ត៌មានជាតិ ថ្មីៗ
ក្រោយកើតហេតុ កំលាំងសមត្ថកិច្ច បានចុះដល់កន្លែងកើតហេតុ នឹងបានពិនិត្យវាស់វែង សម្រួលចរាចរណ៍ និងប្រគល់សពជនរងគ្រោះឲ្យក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត ចំពោះជនរងគ្រោះដែលរងរបួសធ្ងន់ត្រូវបានបញ្ជូនទៅកាន់មន្ទីរពេទ្យ ចំណែកវត្ថុតាងពាក់ព័ន្ធត្រូវបានយកមករក្សាទុកបណ្ដោះអាសន្ននៅអធិការដ្ឋាននគរបាលស្រុកជីក្រែងដើម្បីរងចាំការដោះស្រាយនៅពេលក្រោយ ៕
អត្ថបទ ៖ រូបភាព ៖ ថាច់ ពិសុទ្ធ
កែសម្រួល៖ អ៊ុន ណារាជ្យ
