សមត្ថកិច្ចខេត្តសៀមរាប បានឲ្យដឹងថា កាលពីវេលាម៉ោង០៣និង៣០នាទីទាបភ្លឺ ថ្ងៃទី២០ ខែកញ្ញា ឆ្នាំ២០១៨នេះ មានកណីជនជាតិបរទេសម្នាក់បានស្លាប់ នៅសណ្ឋាគារក្អម បន្ទប់លេខ៣០៣ ជាន់ទី៣ ស្ថិតនៅសង្កាត់សាលាកំរើក ក្រុងសៀមរាប ដែលជនរងគ្រោះឈ្មោះ បូយ ថាញ់ហ្វឿង ភេទប្រុស អាយុ៦៥ឆ្នាំ ជាជនជាតិវៀតណាម កាន់លិខិតឆ្លងដែន លេខ B7734946 ជាភ្ញៀវទេសចរណ៍ ចូលមកប្រទេសកម្ពុជា តាមច្រកប៉ោយប៉ែត កាលពីវេលាម៉ោង៨ ថ្ងៃទី១៩ ខែកញ្ញា ឆ្នាំ២០១៨ ដោយបានសម្រាកនៅសណ្ឋាគារក្អម ជាមួយក្រុមគ្រួសារ ។
តាមការពិនិត្យលើសាកសព សមត្ថកិច្ចពុំរកឃើញស្លាកស្នាមអ្វីដែលពាក់ពន្ធ័ទៅនឹងបទល្មើសព្រហ្មទណ្ឌទេ ហើយបើតាមការសណ្ឋានរបស់លោកវិជ្ជបណ្ឌិត អ៊ិត ឆបឆរត្ន គ្រូពេទ្យអមតុលាការខេត្ត បានឲ្យដឹងថា ជនរងគ្រោះស្លាប់ដោយសារសម្ពាធឈាមឡើងខ្ពស់ បណ្តាលឲ្យដាច់សសៃឈាមក្នុងខួរក្បាល ខណៈបច្ចុប្បន្នសព បានយកទៅតម្កល់ទុកនៅមន្ទីរពេទ្យមិត្តភាពខ្មែរសូវៀត នៅរាជធានីភ្នំពេញ ដើម្បីរង់ចាំក្រុមគ្រួសារមកទទួលយក ៕
អត្ថបទ និង រូបថត ៖ លោក ថាច់ ពិសុទ្ធ
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
