នៅសាលប្រជុំសាលាខេត្តសៀមរាប នាព្រឹកថ្ងៃទី២៦ ខែសីហា ឆ្នាំ២០១៩នេះ ក្រុមប្រឹក្សាខេត្តសៀមរាប អាណត្តិទី៣ បានបើកកិច្ចប្រជុំសាមញ្ញលើកទី៣ របស់ខ្លួន ដែលមាបរបៀបវារៈចំនួន ៧ចំណុច ក្រោមអធិបតីភាពឯកឧត្តម អ៊ឹង ហឿន ប្រធានក្រុមប្រឹក្សាខេត្ត និងលោក ពៅ ពិសិដ្ឋ អភិបាលរងខេត្ត និង ជាតំណាងដ៏ខ្ពង់ខ្ពស់ឯកឧត្តម ទៀ សីហា អភិបាលខេត្តសៀមរាប មានការអញ្ជើញចូលរួមពីសំណាក់ឯកឧត្តម លោកជំទាវ លោក លោកស្រី ជាសមាជិក សមាជិកាក្រុមប្រឹក្សាខេត្ត , គណៈអភិបាលខេត្ត , អាជ្ញាធរអប្សរា , ថ្នាក់ដឹកនាំមន្ទីរ អង្គភាពនានាជុំវិញខេត្ត កងកម្លាំងប្រដាប់អាវុធទាំងបី នាយក នាយករងរដ្ឋបាលសាលាខេត្ត នាយក នាយករង ទីចាត់ការ អង្គភាព ចំណុះរដ្ឋបាលខេត្តទាំងអស់ ។
អង្គប្រជុំក៏បានធ្វើការពិនិត្យ ពិភាក្សា និងអនុម័ត ទៅរៀបវារៈកិច្ចប្រជុំទាំង៧ចំណុច ក្នុងនោះអង្គប្រជុំ ក៏បានលើកឡើង និង ផ្តោតទៅលើការងារធនធានរ៉ែ ដោយត្រូវជំរុញឲ្យយកចិត្តទុកដាក់ខ្ពស់ លើបញ្ហាអ្នកប្រកបអាជីកម្ម ទីតាំងលក់ និងកន្លែងបញ្ចូលហ្គាសទាំងអស់ ទាំងនៅក្នុងក្រុងសៀមរាប និង ទូទាំងខេត្តសៀមរាប ដោយតម្រូវឱ្យម្ចាស់ទីតាំងអាជីវកម្ម មកដាក់ពាក្យសុំលិខិតអនុញ្ញាត ហើយត្រូវគោរពតាមលក្ខខណ្ឌ និងបទដ្ឋានបច្ចេកទេស អនុលោមតាមច្បាប់ជាធរមាន ជាពិសេអង្គប្រជុំ បានជំរុញឱ្យសមត្ថកិច្ចពាក់ព័ន្ធ ត្រូវបន្តរៀបចំសណ្តាប់ធ្នាប់សាធារណៈក្នុងក្រុងសៀមរាប ក៏ដូចជាទីប្រជុំជន ដើម្បីមានសណ្តាប់ធ្នាប់ របៀបរៀបរយល្អ និង ត្រូវរៀបចំ កែលម្អសោភ័ណភាពបន្ថែមទៀត ៕
ព័ត៌មានជាតិ ថ្មីៗ
អត្ថបទ និង រូបថត ៖ រដ្ឋបាលខេត្តសៀមរាប
កែសម្រួលអត្ថបទ ៖ លោក លីវ សាន្ត
