ដំណឹងល្អមួយ សម្រាប់ប្រជាពលរដ្ឋក្នុងស្រុកក្រឡាញ់ខេត្តសៀមរាបទាំងអស់ ពាក់ព័ន្ធភាពមិនប្រក្រតី ក្នុងការតបណ្ដាញ ឬប្រើប្រាស់ចរន្តអគ្គិសនី អាចចូលរួមធ្វើការសាកសួរ ឬរាយការណ៍ពីបញ្ហាទាំងនោះបានដល់ ប្រធានអាជ្ញាធរអគ្គិសនីកម្ពុជា ក្នុងវេទិកាសារធាណៈនាពេលខាងមុខ។
នៅថ្ងៃទី២៩ ខែសីហា ឆ្នាំ២០១៩ វេលាម៉ោង០៩ព្រឹក ខាងមុខនេះ នៅសាលប្រជុំសាលាស្រុកក្រឡាញ់ នឹងមានរៀបចំ វេទិកាសាធារណ:មួយ ស្តីពីការដោះស្រាយបញ្ហាអគ្គិសនី និង ផែនការបន្តនៃការតបណ្តាញអគ្គិសនី នៅក្នុងស្រុកក្រឡាញ់ ដែលអនុញ្ញាតដល់ប្រជាពលរដ្ឋក្នុងស្រុកក្រឡាញ់ទាំងអស់ ចូលរួមធ្វើការសាកសួរ អំពីបញ្ហានានាពាក់ព័ន្ធនឹងការប្រើប្រាស់ និងតបណ្ដាញចរន្តអគ្គិសនី នេះបើតាមសេចក្ដីជូនដំណឹងរបស់ក្រុមការងារថ្នាក់ជាតិចុះជួយមូលដ្ឋានស្រុកក្រឡាញ់ ខេត្តសៀមរាប។
បើតាមការបញ្ជាក់ក្នុងសេចក្ដីជូនដំណឹងដដែលនេះ វេទិកាពិភាក្សានេះ ដឹកនាំដោយឯកឧត្តម ជា ច័ន្ទបរិបូរណ៍ រដ្ឋលេខាធិការក្រសួងព័ត៌មាន និងជាប្រធានក្រុមការងារថ្នាក់ជាតិចុះជួយស្រុកក្រឡាញ់ ខេត្តសៀមរាប រួមជាមួយនឹងវាគ្មិនកិត្តិយស គឺឯកឧត្តម យឹម វិសិដ្ឋ ប្រធានអាជ្ញាធរអគ្គិសនីកម្ពុជា។
ព័ត៌មានជាតិ ថ្មីៗ
អត្ថបទ៖ ការិ. វិទ្យុ
កែសម្រួលអត្ថបទ៖ លោក សេង ផល្លី
រូបភាព៖ ការិយាល័យទូរទស្សន៍
