អំពូលភ្លើងបំភ្លឺផ្លូវ ប្រើថាមពលពន្លឺព្រះអាទិត្យចំនួន២ដើម ត្រូវបានតម្លើង ត្រង់ផ្លូវបំបែករវាងផ្លូវជាតិលេខ៦ និងផ្លូវជាតិលេខ៦៨ ស្ថិតនៅភូមិកំពង់ថ្កូវ២ ឃុំកំពង់ថ្កូវ ស្រុកក្រឡាញ់ ខេត្តសៀមរាប ដើម្បីចូលរួមទប់ស្កាត់គ្រោះថ្នាក់ចរាចរណ៍ ដែលអាចកើតឡើងជាយថាហេតុនៅពេលយប់។
ក្នុងការតម្លើង បង្គោល និងអំពូលភ្លើងបំភ្លឺផ្លូវ ប្រើថាមពលពន្លឺព្រះអាទិត្យនេះ ក៏មានការចុះត្រួតពិនិត្យពី លោក សុខ ណារ៉េត អភិបាលរងនៃគណៈអភិបាលស្រុក តំណាង លោកស្រី ម៉ននី រង្សី អភិបាលនៃគណៈអភិបាលស្រុកក្រឡាញ់ និងមានការចូលរួមពីមន្ត្រីសាលាស្រុក និងអាជ្ញាធរឃុំកំពង់ថ្កូវផងដែរ។
ក្នុងឱកាសនោះ លោកអភិបាលរងស្រុក បានបង្ហាញថា បង្គោល និងអំពូលភ្លើងបំភ្លឺផ្លូវ ដោយប្រើថាមពលពន្លឺព្រះអាទិត្យ ទាំងពីរដើមនេះ ជាការឧបត្ថម្ភ របស់អាជីករស្រុកក្រឡាញ់ លោក សាត សុវណ្ណ និងភរិយា ម្ចាស់ភោជនីយដ្ឋានផ្កាយព្រឹក និង លោកវេជ្ជបណ្ឌិត មុំ សុវណ្ណ និងភរិយា។
ប្រភព៖ រដ្ឋបាលស្រុកក្រឡាញ់
កែសម្រួលអត្ថបទ៖ លោក សេង ផល្លី
