ព័ត៌មានជាតិ

រដ្ឋបាលខេត្តសៀមរាប នៅរសៀលថ្ងៃទី៧ ខែតុលា ឆ្នាំ២០២៥នេះ បានបើកកិច្ចប្រជុំផ្សព្វផ្សាយនូវវិធានការហាមឃាត់របស់ក្រសួងមហាផ្ទៃ ចំពោះការបញ្ជាក់ដឹងឮ ឬការយល់ព្រមលើឯកសារពាក់ព័ន្ធនឹងអត្តសញ្ញាណដីធ្លីរបស់សមាជិក ឬសហគមន៍ជនជាតិដើមភាគតិច សម្រាប់ធ្វើជាឯកសារទិញ លក់ បញ្ចាំ ឬសម្រាប់បម្រើដល់ប្រតិបត្តិការហិរញ្ញវត្ថុនានា ដឹកនាំដោយ លោក អ៊ឹង គឹមលាង អភិបាលរងខេត្តសៀមរាប។ ក្នុងឱកាសនោះ លោក អ៊ឹង...

មន្ត្រីរាជការសាលាស្រុក សសយក មេឃុំ មេភូមិ ជំនួយការភូមិ ប្រមាណជាង ២០០នាក់ ក្នុងស្រុកបន្ទាយស្រី នៅថ្ងៃទី៧ ខែតុលា ឆ្នាំ២០២៥ បានទទួលការបណ្ដុះបណ្ដាល ស្ដីពីតួនាទីភារកិច្ច និងការប្រើប្រាស់កម្មវិធីទូរស័ព្ទដៃ “មតិយើង” ពីការិយាល័យប្រជាពលរដ្ឋខេត្តសៀមរាប។ លោក ថាប់ សារ៉ន ប្រធានក្រុមប្រឹក្សាស្រុក...

ខេត្តសៀមរាប ដែលជាប៉ូលទេសចរណ៍ដ៏សំខាន់របស់កម្ពុជា នឹងត្រូវប្រែក្លាយទៅជាមជ្ឈមណ្ឌលឧត្តមភាពសម្រាប់វិស័យទេសចរណ៍បន្ថែមទៀត ដោយសារតែខេត្តនេះមានសាលាបណ្តុះបណ្តាលវិជ្ជាជីវៈជំនាញទេសចរណ៍ជាច្រើន និងត្រូវបានទទួលស្គាល់ថា មានស្ដង់ដារស្របតាមគោលការណ៍អាស៊ាន។ ក្នុងសិក្ខាសាលាផ្សព្វផ្សាយយន្ដការវាយតម្លៃពីមុនលើសេវាកម្មសណ្ឋាគារ ស្របតាមស្មារតីនៃកិច្ចព្រមព្រៀងទទួលស្គាល់គ្នាទៅវិញទៅមកលើអ្នកជំនាញទេសចរណ៍អាស៊ាន (MRA) ដែលធ្វើឡើងនៅខេត្ដសៀមរាប នាថ្ងៃទី៧ ខែតុលានេះ លោកជំទាវ វណ្ណ សេរីរ័ត្ន អនុរដ្ឋលេខាធិការក្រសួងទេសចរណ៍ បានគូសបញ្ជាក់អំពីការគាំទ្រពីប្រទេសសមាជិកអាស៊ាន និងលេខាធិការដ្ឋានអាស៊ាន ចំពោះវឌ្ឍនភាពនៃការអនុវត្តយន្តការ MRA...

អាជ្ញាធរខេត្តសៀមរាប ដោយមានការសហការជាមួយមន្ទីរអង្គភាពជុំវិញខេត្ត គ្រោងរៀបចំរៀបចំទិវាទេសចរណ៍ពិភពលោក ឆ្នាំ២០២៥ នារសៀលថ្ងៃទី១០ ខែតុលា ចុងសប្ដាហ៍នេះ ក្រោមប្រធានបទ “ទេសចរណ៍ និងបរិវត្តកម្មប្រកបដោយចីរភាព” នៅសាលាខេត្តសៀមរាប។ ក្នុងឱកាសដឹកនាំកិច្ចប្រជុំត្រៀមរៀបចំទិវានេះ នៅថ្ងៃទី៧ ខែតុលា ឆ្នាំ២០២៥ លោក ង៉ូវ សេងកាក់ អភិបាលរងខេត្ត បានបង្ហាញថា...

នៅព្រឹកថ្ងៃទី១០ ខែតុលា ឆ្នាំ២០២៥ រដ្ឋបាលស្រុកសូទ្រនិគម សហការជាមួយមន្ទីរផែនការខេត្តសៀមរាប បានរៀបចំសិក្ខាសាលាសមាហរណកម្ម ផែនការវិនិយោគបីឆ្នាំរំកិល (២០២៦-២០២៨) នៅថ្នាក់ស្រុកឆ្នាំ២០២៥ ក្នុងគោលបំណងជំរុញការអភិវឌ្ឍមូលដ្ឋានឱ្យស្របតាមគោលនយោបាយរបស់រាជរដ្ឋាភិបាល។ លោក សយ វណ្ណា អភិបាលរងស្រុកសូទ្រនិគម បានលើកឡើងថា សិក្ខាសាលានេះ គឺជាសមិទ្ធផលថ្មីមួយទៀតដែលរដ្ឋបាលស្រុកសម្រេចបាន ដើម្បីជំរុញដំណើរការអភិវឌ្ឍន៍ស្រុក ស្របតាមគោលនយោបាយរាជរដ្ឋាភិបាល និងលិខិតបទដ្ឋានគតិយុត្តពាក់ព័ន្ធមួយចំនួន...

មន្ត្រីជំនាញក្នុងខេត្តសៀមរាប បានបង្ហាញថា ការដំណើរការកម្មវិធីទូរសព្ទដៃ “មតិយើង” គឺដើម្បីឱ្យប្រជាពលរដ្ឋងាយស្រួលក្នុងការផ្ដល់ព័ត៌មានត្រឡប់ ដាក់ពាក្យបណ្ដឹង និងវាយតម្លៃសេវាសាធារណៈនៅតាមមូលដ្ឋានរបស់ខ្លួនដោយសម្ងាត់ និងមានគោលដៅចូលរួមចំណែកធ្វើឱ្យសេវាសាធារណៈនៅកម្ពុជា កាន់តែមានតម្លាភាព បរិយាប័ន្ន និងគណនេយ្យភាព។ ក្នុងវគ្គផ្សព្វផ្សាយ ស្ដីពីតួនាទី ភារកិច្ច និងសមត្ថកិច្ចរបស់ការិយាល័យប្រជាពលរដ្ឋរាជធានី-ខេត្ត ព្រមទាំងរបៀបប្រើប្រាស់កម្មវិធីទូរស័ព្ទដៃ “មតិយើង” ដល់មន្ត្រីរាជការ និងប្រជាពលរដ្ឋនៅក្នុងស្រុកវ៉ារិន នាថ្ងៃទី៦...