ក្នុងឱកាសអញ្ជើញមកបំពេញទស្សនកិច្ចជាផ្លូវការនៅខេត្តសៀមរាប កាលពីពេលថ្មីៗនេះ លោកជំទាវ គ្រឿង ធិម៉ាយ សមាជិកការិយាល័យនយោបាយ និងជាប្រធានគណ:ចលនាមហាជនមជ្ឈិមបក្សកុម្មុយនីស្តវៀតណាម បានមានប្រសាសន៍ថា ស្របពេលដែលរាជរដ្ឋាភិបាលកម្ពុជា មានគោលនយោបាយដោយចាត់ទុកវិស័យទេសចរណ៍ជាអាទិភាព ជាក្បាលម៉ាស៊ីន និងការស្វាគមន៍យ៉ាងកក់ក្តៅ ដល់អ្នកវិនិយោគបរទេស ដោយគ្មានប្រកាន់ជាតិសាសន៍នោះ បានជំរុញកំណើនផ្នែកសេដ្ឋកិច្ចនៅកម្ពុជាយ៉ាងលឿន ជាពិសេសខាងពាណិជ្ជកម្ម សំណង់ ទេសចរណ៍ ហិរញ្ញវត្ថុ និង ទីផ្សារពលករ ដែលតែងតែមានយោកយល់រវាងគ្នានិងគ្នា ដែលអនុគ្រោះដល់ធុរកិច្ច ទើបកម្ពុជាកំពុងតែក្លាយជាគោលដៅថ្មីមួយ គួរឲ្យចាប់អារម្មណ៍បំផុត ពីអ្នកវិនិយោគក្នុងស្រុក និងបរទេស។
លោកជំទាវ គ្រឿង ធិម៉ាយ មានប្រសាសន៍ទៀតថា តាមរយៈនៃការធ្វើទស្សនកិច្ចនាពេលនេះ គណៈប្រតិភូ ទទួលបានព័ត៌មានល្អៗ ដែលជាការពង្រឹងមិត្តភាព និងកិច្ចសហប្រតិបត្តិការជាមួយគ្នា លើវិស័យដែលមានសក្កានុពលជាច្រើននៅកម្ពុជា ដូចជាវិស័យអចលនទ្រព្យ សេវាកម្ម ហិរញ្ញវត្ថុ កសិកម្ម ឧស្សាហកម្ម និងទេសចរណ៍ជាដើម ជាពិសេស ពិតជាទទួលបានផលប្រយោជន៍ច្រើន ក្នុងការប្រាស្រ័យទាក់ទងគ្នា ៕
អត្ថបទ និង រូបថត ៖ លោក ស៊ាន សុផាត
កែសម្រួលអត្ថបទ ៖ លោក លីវ សាន្ត
#មន្ទីរព័ត៌មានខេត្តសៀមរាប
#ទេសចរណ៍
