កាលពីថ្ងៃទី១៦ ខែមិថុនា ឆ្នាំ២០២០ អតីតយុទ្ធជនទីទ័លក្រ ៧រូប រស់នៅក្នុងស្រុកបន្ទាយស្រី ខេត្តសៀមរាប ទទួលបានផ្ទះចំនួន៧ខ្នង ពីលោក ឃឹម ហ្វីណង់ ប្រធានកិត្តិយស សមាគមអតីតយុទ្ធជនកម្ពុជាស្រុកបន្ទាយស្រី តំណាង ឯកឧត្តម ឧត្តមសេនីយ៍ទោ ស៊ិន ភាត់ មេបញ្ជាការតំបន់ប្រតិបត្តិការសឹករងសៀមរាប និងជាប្រធានសមាគមអតីតយុទ្ធជនកម្ពុជាខេត្តសៀមរាប។
ផ្ទះ៧ខ្នងនេះ ជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង ជាប្រធានសមាគមអតីតយុទ្ធជនកម្ពុជា។ ការប្រគល់ផ្ទះជូន អតីតយុទ្ធជនទីទ័លក្រ និងពិការនាពេលនេះ បានបង្ហាញពីគិតគូខ្ពស់ របស់សម្ដេចតេជោ ចំពោះគ្រួសារអតីតយុទ្ធជន ដែលបានបូជាសាច់ស្រស់ឈាមស្រស់ ក្នុងសមរភូមិនាពេលកន្លងមក ដើម្បីស្វែងរកសន្តិភាពជូនដល់ប្រជាជនកម្ពុជា និងជាតិមាតុភូមិ។
អតីតយុទ្ធជនទីទ័លក្រ និងពិការ ទាំង ៧រូបនេះ រួមមាន៖
១. លោក យក់ ពៀត ភេទប្រុស ជានិវត្តជន រស់នៅភូមិខ្នាររង្វាស់ ឃុំឃុនរាម
២.លោក ក្រូច គឿន ភេទប្រុស ជានិវត្តជន រស់នៅភូមិរំចេក ឃុំរំចេក
៣.លោក ពៅ សារឿន ភេទប្រុស ជានិវត្តជន រស់នៅភូមិតាឯក ឃុំរុនតាឯក
៤.លោក ធូក លីន ភេទប្រុស ពិការភាព រស់នៅភូមិតាឯក ឃុំរុនតាឯក
៥.លោក ចាន់ គីម ភេទប្រុស ពិការភាព រស់នៅភូមិតាឯក ឃុំរុនតាឯក
៦.លោក សឿ ស៊ា ភេទប្រុស ពិការភាព រស់នៅភូមិតានី ឃុំរុនតាឯក
៧.លោក ជួប ជិន ភេទប្រុស ជាគ្រួសារពលី រស់នៅភូមិតាឯក ឃុំរុនតាឯក
ព័ត៌មានជាតិ ថ្មីៗ
ដោយឡែក ក្រុមការងារ ក៏បានឧបត្ថម្ភថវិកាជូនដល់ អតីតយុទ្ធជនទាំង៧រូប ដោយម្នាក់ទទួលបាន ថវិកា ចំនួន ១៥ម៉ឺនរៀលផងដែរ។
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក សេង ផល្លី
