ផ្លូវលំមួយខ្សែដែលខូចខាតដោយសារទឹកជំនន់ ស្ថិតក្នុងភូមិត្រពាំងថ្មល់ នៃស្រុកប្រាសាទបាគង ត្រូវបានព្រះសង្ឃនិងប្រជាពលរដ្ឋ ធ្វើការជួសជុលឡើង
ផ្លូវលំមួយខ្សែមានប្រវែងប្រមាណ៤គីឡូម៉ែត្រ ចាប់ពីផ្លូវជាតិលេខ៦ មកដល់វត្ដសុវណ្ណព្រឹក្សាគគី ស្ថិតនៅក្នុងភូមិត្រពាំងថ្មល់ ឃុំកន្ទ្រាំង ស្រុកប្រាសាទបាគង ដែលបានខូចខាតដោយសារជំនន់ទឹកភ្លៀងកន្លងមក ត្រូវបានព្រះសង្ឃ និងប្រជាពលរដ្ឋក្នុងភូមិ បានរួមសហការគ្នាទិញដីចាក់បំពេញ និងជួសជុលឡើងវិញ ដើម្បីឲ្យការធ្វើចរាចរណ៍បានស្រួលបួល ពិសេសលើការធ្វើដំណើរ និងការដឹកជញ្ជូនកសិផលរបស់ប្រជាពលរដ្ឋក្នុងតំបន់នេះ ។
……………..ព្រះតេជគុណ ជុត សំអូន ០១…………..
ព្រះតេជគុណ ជុត សំអូន ព្រះចៅអធិការវត្ដសុវណ្ណព្រឹក្សាគគី មានសង្ឃដីកាថា ផ្លូវមួយខ្សែដែលកំពុងជួសជុលឡើងវិញនេះ មានសារសំខាន់ក្នុងដឹកជញ្ជូនកសិផលប្រជាពលរដ្ឋ ព្រមទាំងការធ្វើដំណើរទៅកាន់កន្លែងផ្សេងៗជាច្រើនកន្លែងទៀត ហើយផ្លូវនេះ ជាផ្លូវដែលជួសជុលដោយមូលនិធិឃុំ ប៉ុន្តែបច្ចុប្បន្នកំពុងរងការខូចខាតជាច្រើនកន្លែង ដូច្នេះក្នុងឱកាសនេះ សូមអំពាវនាវ ដល់សប្បុរសជនជិតឆ្ងាយ ចូលរូមបរិច្ចាថវិកាជួយជួសជុលផ្លូវបន្ថែមទៀត ដើម្បីជួយសម្រួលដល់ការធ្វើចរាចរណ៍របស់ជាពលរដ្ឋ សិស្សានុសិស្ស និងដឹកជញ្ជូនកសិកផលរបស់ប្រជាកសិករ ៕
អត្ថបទ និង រូបថត ៖ លោក ឈិត សាវី
កែសម្រួលអត្ថបទ ៖ លោក លីវ សាន្ត
