នៅវេលាម៉ោងប្រមាណ១១ព្រឹកថ្ងៃទី០៥ ខែវិច្ឆិកា ឆ្នាំ២០២០ មានករណីគ្រោះថ្នាក់ចរាចរណ៍មួយ បង្កដោយរថយន្តទំនើបមួយគ្រឿង បើកបរក្នុងល្បឿលឿន និងរេចង្កូតបុករបាំងថ្ម ពុះទ្រូងផ្លូវចំនួន៣ផ្ទាំង តែពុំបណ្ដាលឲ្យមានគ្រោះថ្នាក់ដល់អ្នកដំណើរដទៃឡើយ។
តាមសម្ដីប្រជាពលរដ្ឋឃើញហេតុការនេះ បានឲ្យដឹងថា រថយន្តទំនើបនេះ បានបើកបរពីចំណុចផ្លូវសម្ដេចវិបុលបញ្ញាសុខអាន ឬផ្លូវ៦០ម៉ែត្រ លុះមកដល់ចំនុចខាងមុខសណ្ឋាគារស្មាយលីង រថយន្តបានបត់ស្ដាំ ប៉ុន្តែដោយរថយន្តមានល្បឿនលឿន បានរេចង្កូតទៅបុកផ្ទាំងរបាំងថ្មពុះចែកទ្រូងផ្លូវតែម្ដង។
ព័ត៌មានជាតិ ថ្មីៗ
បើតាមមន្ត្រីសមត្ថកិច្ចជំនាញនៅកន្លែងកើតហេតុ សន្និដ្ឋានបឋមថា ករណីគ្រោះថ្នាក់ចរាចរណ៍នេះ បណ្ដាលមកពី រថយន្តជាប់ហ្គ៊ែរ។ បច្ចុប្បន្នរថយន្តខាងលើ ត្រូវសមត្ថកិច្ចយកទៅរក្សាទុកបណ្ដោះអាសន្ន ដើម្បីរងចាំការដោះស្រាយ។
គួរជម្រាបថា រថយន្តទំនើប មួយគ្រឿងនេះ ពាក់ស្លាកលេខ ភ្នំពេញ ២BA០១៦៩ មានម្ចាស់ឈ្មោះ យា ផល្លា ជាមន្ត្រីនៃមន្ទីរសូរិយោដី រៀបចំដែនដី និងនគរូបនីយកម្ម ខេត្តសៀមរាប។
