នៅព្រឹកថ្ងៃទី២៧ ខែវិច្ឆិកា ឆ្នាំ២០២០ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន បានទទួលជូប ប្រតិភូគម្រោងអចលនទ្រព្យ គម្រោងអចលទ្រព្យ Condo LINGNAN GARDEN ដែលមានទីតាំងក្នុងរាជធានីភ្នំពេញ ដើម្បីជម្រាបជូនពីការរិកម្រើន នៃវិស័យអចលនទ្រព្យនៅរាជធានីភ្នំពេញ។
លោក ប៉ែន ធារីទ្ធ ប្រធានចាត់ការទូទៅ នៃ គម្រោងនេះ បានជម្រាបថា ការកសាងអគារខ្ពស់ៗចំនួន ៨ នៅតាមបណ្តោយផ្លូវ ៦០ ម៉ែត្រ នៃរាជធានីភ្នំពេញ គ្រោងនឹងចំណាយពេល ២ឆ្នាំ។ ឆ្លៀតក្នុងឱកាសនោះដែរ លោក បានគោរពអញ្ជើញ ឯកឧត្តមរដ្ឋមន្រ្តី និង គណ:ប្រតិភូក្រសួងព័ត៌មាន អញ្ជើញទៅទស្សនាផ្ទាល់ ដល់ទីតាំងគ្រោង នៃការសាងសង់អគារខុនដូន ដើម្បីបានដឹងច្បាស់នៃវិសាលភាព និង ប្រណីតភាព នៃខុនដូ ដែលបំពាក់នូវគ្រឿងបច្ចេកវិទ្យាវ័យឆ្លាត។
ឯកឧត្តម ខៀវ កាញារីទ្ធ បានបង្ហាញការការគាំទ្រ លើវិស័យអចលនទ្រព្យក្នុងរាជធានី ស្របពេលគម្រោងអគារខ្ពស់ៗជាច្រើនទៀត បានសាង់សង់ហើយរួចរាល់ នឹងកំពុងបន្តដំណើរការសាងសង់ជាបន្តបន្ទាប់។ ក្នុងកត្តាសន្តិភាព ក្នុងប្រទេស អ្នកវិនិយោគិន ជាតិ និងអន្តរជាតិ បានសម្រេចចិត្ត បោះទុនមកធ្វើការវិនិយោគ នៅកម្ពុជា រួមផ្សំនឹងការរីកចម្រើននៃជីវភាពប្រជាជន កាន់តែមានភាពល្អប្រសើរ ដែលនាំឲ្យពួកគេមានសមត្ថភាព ក្នុងការទិញអចលនទ្រព្យ ប្រណីតៗ ស្នាក់នៅ៕
អត្ថបទ និង រូបថត ៖ ក្រសួងព័ត៌មាន
