អាជ្ញធរខេត្ដសៀមរាបសម្រេចបិទហាងហ្វឺមួយកន្លែងដែលមានឈ្មោះថា “ហ្វឺអាម៉ាប់” ជាបណ្ដោះអាសន្ន នៅល្ងាចថ្ងៃទី០៤ ខែមីនា ឆ្នាំ២០២១នេះ ក្រោយពេលមានមនុស្សរត់ចេញពីកន្លែងចត្ដាឡីស័កពីខេត្ដព្រះសីហនុ ហើយចូលពិសារអាហារនៅទីនោះ។
សមត្ថកិច្ចដែលសុំមិនបញ្ចេញឈ្មោះ បានឲ្យដឹងថា ហាងគុយទាវមួយកន្លែងនោះមានយីហោ “ហ្វឺ អាម៉ាប់”ស្ថិតននៅក្នុងភូមិតាភុល សង្កាត់ស្វាយដង្គំ ក្រុងសៀមរាប ។ ហាងមួយនេះត្រូវបានគណ:កម្មការទប់ស្កាត់កូវីដ១៩ ចុះទៅបិទជាបណ្តោះអាសន្ន និងបាននាំមនុស្ស០៦នាក់ ទៅធ្វើចត្តាឡីស័កភ្លាមៗ នៅល្ងាចថ្ងៃទី០៤ មីនា ឆ្នាំ២០២១នេះ។ប្រភពដដែល បានអោយដឹងទៀតថា បន្ទាប់ពីមានសេចក្តីរាយការណ៍ថា មានបុរសម្នាក់លួចរត់ចេញពីកន្លែងធ្វើចត្តាឡីស័ក និងស្ត្រីម្នាក់ទៀតដែលគេសង្ស័យថា បានប៉ះពាល់ជាមួយអ្នកវិជ្ជមានមេរោគកូវីដ-១៩ ធ្វើដំណើរមកពីខេត្តព្រះសីហនុ ចូលទៅទទួលទានអាហារនៅទីនោះ អាជ្ញាធរក៏បានសម្រេចបិទហាងនោះតែម្ដង ។
ទោះជាយ៉ាងណា ចំពោះករណីនេះ បានសុំទំនាក់ទំនងតាមតេឡេក្រាម ដើម្បីសាកសួរព័ត៌មានពីប្រធានមន្ទីរសុខាភិបាលខេត្តសៀមរាប លោកក្រុស សារ៉ាត់ ភ្លាមៗដែរ តែលោកមិនមានឆ្លើយតបនោះទេ។ ក្នុងហេតុការណ៍នេះដែរត្រូវបានបណ្ដាញសង្គម និងសារព័ត៌មានជាច្រើនបានចុះផ្សាយយ៉ាងច្រើនជាបន្តបន្ទាប់ ៕
អត្ថបទ និងរូបភាព: លោកបូ សាវី
កែសម្រួលដោយ លីវ សុខុន!!!
