នាថ្ងៃទី១៨ ខែមីនា ឆ្នាំ២០២១ ឯកឧត្តម ទៀ សីហា អភិបាលខេត្តសៀមរាប អមដំណើរដោយឯកឧត្តម គុជ លីណា អនុប្រធានសាខាកាកបាទក្រហមសៀមរាប លោក នាក់ ណេរ៉ុន អភិបាលរងខេត្ត ឯកឧត្តម ប្រាក់សោភ័ណ ប្រធានសហភាពសហព័ន្ធយុវជនកម្ពុជាខេត្តសៀមរាប បានចុះពិនិត្យមណ្ឌលចត្តាឡីស័ក នៅស្រុកក្រឡាញ់ ខេត្តសៀមរាប ដើម្បីត្រៀមទទួលបងប្អូនប្រជាពលរដ្ឋ ដែលមកពីក្រៅប្រទេស។
ឯកឧត្តម អភិបាលខេត្ត បានជំរុញដល់ក្រុមការងារប្រចាំការទាំងអស់ ត្រូវអនុវត្តន៍ការងារនេះឱ្យបានហ្មត់ចត់ ចៀសវាងការគេចចេញពីមណ្ឌលចត្តាឡីស័ក និងត្រូវណែនាំដល់បងប្អូនប្រជាពលរដ្ឋ ដែលមកធ្វើចត្តាឡីស័ក អនុវត្តន៍ឱ្យខ្ជាប់ខ្ជួនតាមការណែនាំរបស់ក្រសួងសុខាភិបាល។
ជាមួយនេះ ឯកឧត្តម ក៏បានអំពាវនាវ ដល់បងប្អូនប្រជាពលរដ្ឋ ចូលរួមទប់ស្កាត់ ការរីករាលដាលជំងឺកូវីដ-១៩ ដោយអនុវត្ត ៣ការពារ (ត្រូវពាក់ម៉ាស់ ត្រូវលាងដៃនឹងអាកុល ឬជែល និងត្រូវរក្សាគន្លាតបុគ្គល) ៣កុំ(កុំទៅកន្លែងបិទជិតគ្មានខ្យល់ចេញចូល កុំទៅកន្លែងដែលមានមនុស្សច្រើនកុះករ និងកុំប៉ះពាល់គ្នា) ព្រមទាំងចូលរួម ចូលរួមយុទ្ធនាការប្រឆាំងនឹងកូវីដ-១៩ ប្រើ QR Code “Stop covid-19 ទប់ស្កាត់កូវីដ-១៩”ឲ្យបានគ្រប់ៗគ្នា៕
ព័ត៌មានជាតិ ថ្មីៗ
អត្ថបទ និងរូបភាព: រដ្ឋបាលខេត្តសៀមរាប
