ថ្លែងនៅក្នុងឱកាសនៃកិច្ចប្រជុំសាមញ្ញប្រចាំសប្តាហ៍ជាមួយថ្នាក់ដឹកនាំក្រសួងព័ត៌មាន ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានបញ្ជាក់ថា សម្រាប់អ្នកដែលបានចាក់វ៉ាក់ សាំងបង្ការជំងឺកូវីដ-១៩ ហើយនៅតែឆ្លង គឺដោយសារមិនបានអនុវត្តន៏តាមការណែនាំរបស់ក្រសួងសុខាភិបាល និង ប្រមុខរាជរដ្ឋាភិបាល ៣កុំ ៣ការពារ តែទោះជាយ៉ាងណាក៏ដោយអ្នកដែលបានចាក់វ៉ាក់សាំង ២ដូសរួចហើយតែបានឆ្លងកូវីដ គឺងាយស្រួលក្នុងការព្យាបាលឆាប់ជាតែងាយចម្លងទៅអ្នកដែលមិនទាន់បានចាក់វ៉ាក់សាំង។ ឯកឧត្តមរដ្ឋមន្ត្រីបានធ្វើការកោតសរសើរដល់ ថ្នាក់ដឹកនាំ និងមន្រ្តីរាជការ នៃអគ្គនាយកដ្ឋានទូរទស្សន៏ជាតិកម្ពុជា ដែលបានធ្វើតេសរហ័ស ជាបន្តបន្ទាប់ បានស្ទើរគ្រប់គ្នារួចមកហើយ ដើម្បីរកមេរោគកូវីដ-១៩ និងសម្រាប់ សុវត្ថិភាពក្នុងកន្លែងបំពេញការងារផ្សព្វផ្សាយកុំឲ្យមានការឆ្លងបន្តគ្នា។
សម្រាប់ឱកាសនៃកិច្ចប្រជុំសាមញ្ញប្រចាំសប្តាហ៏ទី៤ នៅព្រឹកថ្ងៃទី២៦ នៃកក្កដា ឆ្នាំ២០២១ សម្រាប់ថ្នាក់ដឹកនាំក្រសួងព័ត៌មាន តាមប្រពន្ធ័ជាលក្ខណៈ Hybrid ប្រជុំចូលរួមដោយផ្ទាល់ និងតាមប្រព័ន្ធ Zoom នេះដែរ ឯកឧត្តម មាស សុភ័ណ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានជម្រាបជូនពីលទ្ធផលសំខាន់ៗ មួយចំនួនដែលរួមមាន៖ ប្រសាសន៏ណែនាំរបស់ ឯកឧត្តម រដ្ឋមន្រ្តី ខៀវ កាញារីទ្ធ សម្រាប់គណ:កម្មការទំនាក់ទំនង និងកិច្ចសហប្រតិបត្តិការអន្តរជាតិនៃក្រសួងព័ត៌មាន ត្រូវរៀបចំជាសិក្ខាសាលាស្តីអំពី៖ របៀបផ្ទៀងផ្ទាត់ប្រភពព័ត៌មាន ជូនដល់មន្រ្តីនៃមន្ទីរព័ត៌មានរាជធានីខេត្ត ទាំង២៥ តាមរយ:បទពិសោធន៏ដែលទទួលបានកាលពីសិក្ខាសាលាកន្លងមកនេះ ជាមួយទីភ្នាក់ងារសារព័ត៌មាន រុស្ស៊ី Sputnik សហការជាមួយក្រសួងព័ត៌មានកម្ពុជា ក្រោមប្រធានបទ “ស្តីពីរបៀប ផ្ទៀងផ្ទាត់ ព័ត៌មានលើបណ្តាញផ្សព្វផ្សាយប្រភេទថ្មី ដើម្បីបញ្ចៀសនូវដំណឹងក្លែងក្លាយ” ។ ជាមួយនេះក៏ត្រូវពិភាក្សាការងារសមភាគីចិន ដើម្បីពិនិត្យមើលពីវឌ្ឍនភាពការងារក្នុងការត្រៀមរៀបចំវេទិកាស្តីពី ធុរ:កិច្ចកម្ពុជា-ចិន ដែលគ្រោងធ្វើចុងឆ្នាំ២O២១ នេះ តែដោយសារបញ្ហានៃការឆ្លងរីករាលដាលនៃជំងឺកូវីដ គឺគម្រោងការងារនេះនៅមិនទាន់ច្បាស់លាស់ក៏ត្រូវពិនិត្យលទ្ធភាពជាមួយភាគីចិន ថាតើអាចរៀបចំវេទិកានេះបានដោយរបៀបណា? ។
ឯកឧត្តមរដ្ឋមន្រ្តី ក៏បានណែនាំដល់មន្ទីរសម្របសម្រួលរាជធានីខេត្ត នៃក្រសួងព័ត៌មាន ធ្វើការណែនាំដល់មន្ទីរព័ត៌មានរាជធានីខេត្ត ផ្តល់មកនូវរាល់រូបភាពល្អៗ ប្រចាំសប្តាហ៏ និងអត្ថបទមកអគ្គនាយកដ្ឋានទីភ្នាក់ងារសារព័ត៌មានកម្ពុជា ដើម្បីចុះផ្សាយពិសេស រូបភាពសត្វកម្រដែលមាននៅក្នុងប្រទេសកម្ពុជា មកផ្សព្វផ្សាយអោយបានទូលំទូលាយជូនដល់សាធារណជន និងបរទេសឲ្យបានដឹងបានដឹងថា សត្វកម្រទាំងនេះ មាននៅក្នុងប្រទេសកម្ពុជា។ ឯកឧត្តម ក៏បានជម្រុញដល់មន្រ្តីជំនាញ និងថ្នាក់ដឹកនាំក្រសួងព័ត៌មាន បន្តយកចិត្តទុកដាក់ក្នុងការពិនិត្យវាយតំលៃ ក្រមសីលធម៏ វិជ្ជាជីវ: អង្គភាពផ្សព្វផ្សាយព័ត៌មាន ដែល បានចុះបញ្ជីនៅក្រសួងព័ត៌មាន ដោយក្នុងនោះត្រូវបង្កើតគណ:កម្មការមួយ ដែលមានការចូលរួមពីតំណាងក្រសួងព័ត៌មាន និងតំណាង សមាគមន៏សារព័ត៌មាន ដែលកំពុងបំពេញវិជ្ជាជីវ:នៅកម្ពុជា ដើម្បីធ្វើការពិនិត្យវាយតំលៃអំពីក្រមសីលធម៏ ចំពោះប្រពន្ធ័ផ្សព្វផ្សាយទាំងនោះ ហើយធ្វើការតម្រង់ទិសដល់អ្នកសារព័ត៌មាន និងអ្នកប្រកបអាជីពសារព័ត៌មានបានយល់កាន់តែច្បាស់ពីក្រមសីលធម៏និង វិជ្ជាជីវ:ច្បាប់លិខិតបទដ្ឋានគតិយុទ្ធ ទាំងជាតិ និងអន្តរជាតិដែលមានជាធរមានក្នុងការផ្សព្វផ្សាយព័ត៌មាន ជូនដល់សាធារណជនទូទៅប្រកបទៅដោយវិជ្ជាជីវ:ត្រឹមត្រូវ។
ឆ្លៀតក្នុងឱកាសនៃកិច្ចប្រជុំនោះដែរ ឯកឧត្តម ខៀវ កាញារីទ្ធ បានវាយតំលៃខ្ពស់ចំពោះលទ្ធផលការងារទាំងឡាយ ដែលថ្នាក់ដឹកនាំមន្រ្តីរាជការគ្រប់ផ្នែកគ្រប់ជំនាញ សម្រេចអនុវត្តន៏ បានក្នុងរយះពេលកន្លងមកនេះ ប្រកបដោយប្រសិទ្ធភាពទៅលើផែនការណ៏ ដែលត្រូវអនុត្តន៏នៅក្នុងសប្តាហ៏បន្តទៅមុខទៀត ដើម្បីឆ្លើយតបទៅ និងយុទ្ធសាសស្រ្ត និងកិច្ចការងារសំខាន់ៗ ដែលរាជរដ្ឋាភិបាល និងក្រសួងព័ត៌មានបានដាក់ចេញ ទោះបីប្រទេសជាតិកំពុងស្ថិតក្នុងបរិបទកូវីដ-១៩ ក៏ដោយ។ តែទោះជាយ៉ាងណា ឯកឧត្តមបានក្រើនរំលឺកជាប្រចាំ គឺការថែរក្សាសុខភាពអោយបានល្អកុំអោយឆ្លងជំងឺកូវីដ ហើយអ្វីដែលសំខាន់សម្រាប់បណ្តាអគ្គនាយកដ្ឋាននានា ដែលទទួលបានឧបការណ៏ធ្វើតេសរហ័សរកមេរោគកូវីដ ត្រូវធ្វើយ៉ាងណាប្រើប្រាស់អោយបានចំគោលដៅ និងមានការសន្សុំសំចៃស្របតាមការណែនាំរបស់ប្រមុខរាជរដ្ឋាភិបាល សម្តេចតេជោ ហ៊ុន សែន សំដៅធ្វើយ៉ាងណារួមគ្នាបង្ការ និងទប់ស្កាត់ការឆ្លងរីករាលដាលនៃជំងឺកូវីដ-១៩។ តាមរយះឧបករណ៏ធ្វើតេសរហ័សនេះ ទុកប្រើប្រាស់សម្រាប់មន្ត្រីរាជការ និងអ្នកយកព័ត៌មានដែលត្រូវចុះទៅយកព័ត៌មាន ឬផលិតកម្មវិធីផ្សាយផ្សេងៗ ហើជាមួយនេះក៏ទុកសម្រាប់ប្រើប្រាស់ក្នុងការពិនិត្យចំពោះវាគ្មិន និងភ្ញៀវកិតិយស ដែលត្រូវបានគោរពអញ្ជើញមកចូលរួមក្នុងកម្មវិធីសំភាសន៏នានា នៅក្នុង ស្ទីតយោផ្សាយ វិទ្យុ និងទូរទស្សន៏ ដើម្បីធ្វើការពិនិត្យរកមើលមេរោគកូវីដ ដែលជាវិធានការចាំបាច់ក្នុងការរួមចំណែកទប់ស្កាត់ការឆ្លងរីករាលដាលលនៃជំងឺកូវីដ-១៩ ហើយធានាបាននូវនិរន្តភាពក្នុងដំណើរការផ្សព្វផ្សាយបានរហូត ដើម្បីបំរើដល់ប្រជាពលរដ្ឋជាទស្សនិកជន និងអ្នកស្តាប់ទាំងអស់ទទួលព័ត៌មាន ក៏ដូចដំណឹងផ្សេងៗទាក់ទងទៅនឹងវិធានការ របស់ក្រសួងសុខាភិបាល ក៏ដូចជាប្រមុខរាជរដ្ឋាភិបាល ក្នុងការរួមគ្នាប្រយុទ្ធប្រឆាំងការឆ្លងជំងឺកូវីដ-១៩ កុំអោយមានការកើនឡើងបន្តទៅទៀត៕
