នៅព្រឹកថ្ងៃទី២៣ ខែធ្នូ ឆ្នាំ២០២២នេះ មានករណីបង្ហោះ និងចែកចាយព័ត៌មានមិនពិតជាច្រើន បណ្ដាញសង្គមហ្វេសប៊ុក អំពីករណីក្មេងស្រីម្នាក់នៅស្រុកអង្គរធំ ខេត្តសៀមរាប បានធ្វើអត្តឃាត បន្ទាប់ពីដឹងខ្លួនបានប្រឡងធ្លាក់ក្នុងសម័យប្រឡងមធ្យមសិក្សាទុតិយភូមិ នាឆ្នាំ២០២២។
តាមការស្រាវជ្រាវ និងបំភ្លឺលើករណីនេះ សមត្ថកិច្ចខេត្ត បញ្ជាក់ថានេះជាព័ត៌មានចាស់តាំងពីឆ្នាំ២០១៩ នៅស្រុកអង្គរធំ ដែលមានបញ្ហាផ្ទាល់ខ្លួនទើបធ្វើអត្តឃាត មិនមែនដោយសារខូចចិត្ត នឹងលទ្ធផលប្រឡងធ្លាក់នោះឡើយ។
ព័ត៌មានជាតិ ថ្មីៗ
យោងតាមការបំភ្លឺខាងលើ សមត្ថកិច្ចខេត្តសៀមរាប សូមអំពាវនាវដល់អ្នកប្រើប្រាស់បណ្ដាយសង្គមទាំងអស់ បញ្ឈប់ការចែកចាយព័ត៌មានមិនពិតនេះ។ ជាមួយនោះ សមត្តកិច្ចជំនាញខេត្ត កំពុងស្រាវជ្រាវរកប្រភពអ្នកបង្កើតព័ត៌មានមិនពិតនេះ ដើម្បីចាត់វិធានការតាមផ្លូវច្បាប់។
