ក្នុងព្រះរាជពិធីបុណ្យចម្រើនព្រះជន្ម ព្រះករុណា ព្រះបាទសម្ដេច ព្រះបរមនាថ នរោត្ដម-សីហមុនី ព្រះមហាក្សត្រនៃព្រះរាជាណាចក្រកម្ពុជា ខេត្តសៀមរាប មានភ្ញៀវទេសចរមកទស្សនាប្រមាណជាង ១៣ ម៉ឺននាក់ មានការកើនឡើងជាងឆ្នាំ២០១៨ ដែលមានត្រឹមតែជិត ៩ម៉ឺននាក់ប៉ុណ្ណោះ។
បើតាមរបាយការណ៍ របស់មន្ទីរទេសចរណ៍សៀមរាប បានឲ្យដឹងថា ចំនួនភ្ញៀវទេសចរនេះ គឺរាប់ចាប់ថ្ងៃទី ១១ដល់ថ្ងៃទី១៥ ខែ ឧសភា ឆ្នាំ២០១៩ ក្នុងចំណោមភ្ញៀវទេសចរសរុបជាង ១៣ម៉ឺននាក់ ភ្ញៀវទេចរជាតិ មានប្រមាណ ជាង ១១ ម៉ឺននាក់ កើនឡើង៨៣.៣៣ភាគរយ ប្រៀបធៀបឆ្នាំ២០១៨ ដែលមានត្រឹមតែជាង ៦ ម៉ឺននាក់ប៉ុណ្ណោះ ដោយឡែក ភ្ញៀវទេសចរអន្តរជាតិមានចំនួន ជិត២ម៉ឺន ២ពាន់នាក់ ថយចុះ ១៤.២៩ភាគរយ ប្រៀបធៀបឆ្នាំ២០១៨ ចំនួនជាង ២ម៉ឺន៥ពាក់ នាក់។
ព័ត៌មានជាតិ ថ្មីៗ
តាមការសន្និដ្ឋាន របស់មន្ត្រីនៃមន្ទីរទេសចរណ៍សៀមរាប បានបញ្ជាក់ថា ចំនួនភ្ញៀវទេសចរជាតិមានការកើនឡើងនេះ ដោយសារថ្ងៃឈប់សម្រាកមានរយៈពេលយូរ (០៥ ថ្ងៃ) អាកាសធាតុមានលក្ខណៈអំណោយផលល្អ បញ្ហាសន្តិសុខមានលក្ខណៈល្អប្រសើរ។
អត្ថបទ និង រូបថត ៖ លោក ជា ស្រស់ , ខេង ឧត្ដម និង លោក យូ វង្ស
កែសម្រួលអត្ថបទ ៖ លោក សេង ផល្លី
