ឯកឧត្តម ទៀ សីហា អភិបាលខេត្តសៀមរាប បានសម្ដែងការសោកស្ដាយអំពីករណីចោរឆក់ការបូប ភ្ញៀវទេសចរជនជាតិអ៊ីរ៉ង់២រូប និងធានារ៉ាប់រងលើការចំណាយការព្យាបាលរបួស ស្នាក់នៅ ហូបចុក ព្រមទាំងសំបុត្រយន្តហោះធ្វើដំណើរទៅទីក្រុងបាងកក ប្រទេសថៃ។
បន្ទាប់ពីធ្វើការឃាត់ខ្លួនជនសង្ស័យ ២រូបពាក់ព័ន្ធនឹងការករណីឆក់កាបបូប ភ្ញៀវទេសចរជនជាតិអ៊ីរ៉ង់២រូប ឯកឧត្តម ទៀ សីហា អភិបាលខេត្តសៀមរាប បានសម្ដែងការសោកស្ដាយអំពីករណីចោរឆក់ការបូប និងធានារ៉ាប់រងលើការចំណាយការព្យាបាលរបួស ស្នាក់នៅ ហូបចុក ព្រមទាំងសំបុត្រយន្តហោះធ្វើទៅក្រុងបាងកក ប្រទេសថៃ។
ស្ត្រីជនជាតិអ៊ីរ៉ងម្នាក់ ដែលបានរងគ្រោះក្នុងករណីនោះ បានថ្លែងអំណរគុណដល់ អភិបាលខេត្តសៀមរាប អាជ្ញាធរ និង កម្លាំងសមត្ថកិច្ច ក្នុងខេត្តសៀមរាបទាំងអស់ ដែលបានយកចិត្តទុកដាក់ ខិតខំស្រាវជ្រាវ ស្វែងរកជនសង្ស័យរហូតដល់ឃាត់ខ្លួនបានជនសង្ស័យទាំងពីរនាក់នោះ ជាមួយគ្នានោះ ជនរងគ្រោះសំណូមពរឲ្យសមត្ថកិច្ច ជួយរកនូវរាល់ឯកសារដែលបានបាត់ទៅ សំខាន់លិខិតឆ្លងដែន និង លិខិតចេញចូលប្រទេសកាណាដា ដែលមានរយៈពេល៥ឆ្នាំ។
គួររំលឹកថា ស្ត្រីជនជាតិអ៊ីរ៉ង់ ជាភ្ញៀវទេសចរ ២រូប ត្រូវបានជនសង្ស័យ២រូប ឆក់កាបូប ខណៈពួកគេធ្វើដំណើរតាមរ៉ឺម៉ក់ម៉ូតូកង់បី នៅតាមដងផ្លូវកូម៉ៃ ឆ្ពោះទៅកាន់ប្រាសាទអង្គរវត្ត កាលពីថ្ងៃទី ២៦ ខែឧសភា ឆ្នាំ២០១៩ វេលា ៦ និង៣០នាទីព្រឹក។ បន្ទាប់ពីទទួលបានពាក្យបណ្ដឹង សមត្ថកិច្ចខេត្តសៀមរាប បានធ្វើការស្រាវជ្រាវ និងមានការយកចិត្តទុកដាក់ខ្ពស់ពី ឯកឧត្តម ទៀ សីហា អភិបាលខេត្តសៀមរាប រហូតដល់ធ្វើការឃាត់ខ្លួនជនសង្ស័យ២រូប នៅថ្ងៃទី ២៩ ខែឧសភា ឆ្នាំ២០១៩។
អត្ថបទ និង រូបថត៖ លោក ម៉ី សុខារិទ្ធ
កែសម្រួលអត្ថបទ ៖ លោក សេង ផល្លី
