ព័ត៌មានជាតិ

តាមការសិក្សាថ្មីៗ របស់អ្នកបុរាណវិទូ បានឱ្យដឹងថា អង្គរធំគឺជាមណ្ឌលនៃទីក្រុងបុរាណរបស់ចក្រភពខ្មែរ ដោយមានប្រាសាទបាយ័នជាចំណុចកណ្តាល មានតំបន់ជាយក្រុងរីកសាយនៅជុំវិញមណ្ឌលនេះ មានវិសាលភាព លាតសន្ធឹងលើផ្ទៃដីប្រហែល ៣ពាន់គីឡូម៉ែត្រក្រឡា។ អ្នកបុរាណវិទូ និងជាប្រធាននាយកដ្ឋានស្រាវជ្រាវ បណ្តុះបណ្តាល ផ្សព្វផ្សាយនៃអាជ្ញាធរជាតិអប្សរាលោក អ៊ឹម សុខរិទ្ធី ពន្យល់ថា តាមក្បួនខ្នាតនៃការរៀបចំទីក្រុងកាលពីសម័យបុរាណ គឺយកលំនាំតាមទំលាប់ប្រពៃណីឥណ្ឌា ដោយទីក្រុងទាំងអស់ត្រូវមានកំពែងព័ន្ធជុំវិញ ដោយកំពែងទាំងនោះអាចសង់ពីដី...

ក្រុមអ្នកបច្ចេកទេស នៃអាជ្ញាធរជាតិអអប្សរា បានប្រទះឃើញសំណង់រចនាសម្ពន្ធថ្មីមួយ ដែលគេពុំធ្លាប់បានដឹងពីមុនមកទាល់តែសោះ គឺការសង់ជញ្ជាំងខឿនថ្មពីរជាន់ត្រួតគ្នា នៅរួតទីបីរបស់ប្រាសាទបាយ័ន ដែលការប្រទះឃើញសំណង់ដែលខុសប្លែកពីប្រាសាទបុរាណនានាទាំងអស់នេះ គឺក្នុងកំឡុងពេលដែលក្រុមការងារបច្ចេកទេសជួសជុលប្រាសាទកំពុងជួសជុលពង្រឹងរចនាសម្ពន្ធប្រាសាទនៅរួតទីបីនៃប្រាសាទ។ ស្ថាបត្យករ និងជាក្រុមការងារបច្ចេកទេសជួសជុលខឿនរួតទី៣ នៅប្រាសាទបាយ័ន កញ្ញា ម៉េង សុវណ្ណលីលីន មានប្រសាសន៍ថា នេះជាលើកទី២ ហើយ ដែលក្រុមអ្នកបច្ចេកទេសរកឃើញថា មានការសាងសង់ខឿនប្រាសាទបុរាណត្រួតគ្នារហូតដល់ពីរជាន់នៅរួតទីបីនៃប្រាសាទបាយ័នដែលខុសប្លែកពីសំណង់ប្រាសាទបុរាណនានា ដោយគេឃើញសង់ខឿនមួយជាន់រួចហើយ...

អាជ្ញាធរជាតិអប្សរា និងអង្គការសម្ព័ន្ធមិត្តសត្វព្រៃ គ្រោងនឹងធ្វើការដោះលែង សត្វឆ្មាដាវញី មួយក្បាលបន្ថែមទៀតចូលក្នុងព្រៃធម្មជាតិ នៃឧទ្យានអង្គរ។ បើតាមមន្ត្រីនៃអាជ្ញាធរជាតិអប្សរា បានឲ្យដឹងថា គម្រោងដោះលែងសត្វព្រៃក្នុងឧទ្យានអង្គរនេះបានធ្វើឡើង ក្រោមកិច្ចសហការរវាងអាជ្ញាធរជាតិអប្សរា រដ្ឋបាលព្រៃឈើភ្នំពេញ និងអង្គការសម្ព័ន្ធមិត្តសត្វព្រៃ (Wildlife Alliance) ក្រោយពីក្រុមការងារបានដឹកជញ្ជូនសត្វឆ្មាដាវ (Leopard Cat) ញីមួយក្បាល ពីមជ្ឈមណ្ឌលសង្រ្គោះសត្វព្រៃភ្នំតាម៉ៅ យកមកផ្សាំងក្នុងទ្រុង...

គណៈកម្មាធិការជំរុញចលនាភូមិមួយ ផលិតផលមួយ និងអាជ្ញាធរខេត្តសៀមរាប គ្រោងនឹងធ្វើការដាក់តាំងបង្ហាញផលិតផលខ្មែរ រយៈពេល៥ថ្ងៃ ពីថ្ងៃទី២៦ ដល់ថ្ងៃទី៣០ខែកញ្ញា ឆ្នាំ២០២៣ នៅសួនច្បារព្រះរាជដំណាក់ ក្រុងសៀមរាប ដើម្បីលើកកម្ពស់ផលិតផលខ្មែរ ។ ក្នុងកិច្ចប្រជុំស្តីពីការតាំងពិព័រណ៍ភូមិមួយផលិតផលមួយនារសៀលថ្ងៃទី១៤ ខែកញ្ញានេះ លោក យុន លីនណេ អភិបាលរងខេត្តរង និងជាអនុប្រធានគណៈកម្មាធិការជំរុញចលនាភូមិមួយ ផលិតផលមួយ...

យ៉ាងហោចណាស់មនុស្សចំនួន ១.០១៥នាក់ បានស្លាប់ និងរបួសធ្ងន់ ១.៧៧៥នាក់ ដោយគ្រោះថ្នាក់ចរាចរណ៍ ក្នុងរយៈពេល ៨ខែ ក្នុងឆ្នាំ២០២៣ ។ ថ្លែងនៅក្នុងពិធីបើកយុទ្ធនាការ ជិះម៉ូតូពាក់មួកសុវត្ថិភាព នៅក្រុងសៀមរាប នាថ្ងៃទី១៥ ខែកញ្ញា ឆ្នាំ២០២៣នេះ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ...

កាលពីព្រឹកថ្ងៃទី១៤ ខែ កញ្ញា ឆ្នាំ២០២៣នេះ លោកវរៈសេនីយ៍ទោ ឆឹង សុភា អធិការរងក្រុងសៀមរាប បានដឹកនាំកម្លាំងមន្ត្រីជំនាញសណ្ដាប់ធ្នាប់ខេត្ត និង ក្រុង ចុះរៀបចំការដាក់តាំងលក់សម្ភារៈ និងឧបករណ៍ផ្សេងៗ នៅលើចំណីផ្លូវ ដែលធ្វើឲ្យបាត់បង់សណ្តាប់ធ្នាប់ របៀបរៀបរយសាធារណៈក្នុងក្រុងសៀមរាប ។ លោកវរៈសេនីយ៍ទោ ឆឹង សុភា...

ប្រាសាទភ្នំបាខែង ជាទីតាំងដែលអ្នកទេសចរនិយមទស្សនាថ្ងៃរះ និងថ្ងៃរៀបលិច ព្រមទាំងផ្តល់ជូនភ្ញៀវទេសចរនូវបទពិសោធន៍ថ្មីៗ ក្រៅពីនោះប្រាសាទភ្នំបាខែង ក៏កំពុងក្លាយជាទីកន្លែងថ្មី ដែលពេញនិយមសម្រាប់អ្នកដើរលំហាត់ប្រាណថែមទៀតផង។ កញ្ញា ឃាង សុខេង ជាភ្នាក់ងារទេសចរណ៍ប្រចាំប្រាសាទភ្នំបាខែង បានឲ្យដឹងនៅថ្ងៃទី១៤ ខែកញ្ញានេះថា បច្ចុប្បន្នជំរាលផ្លូវដើរឡើងប្រាសាទភ្នំបាខែង ជារៀងរាល់ពេលព្រឹក និងពេលល្ងាចកំពុងក្លាយជាទីកន្លែងសម្រាប់ប្រជាពលរដ្ឋដើរហាត់ប្រាណ ខណៈដែលទីតាំងនេះ ត្រូវបានអាជ្ញាធរជាតិអប្សរា រៀបចំផ្លូវឡើងបានយ៉ាងល្អប្រណិត ដែលពួកគាត់អាចដើរប្រហែលមួយគីឡូម៉ែត្រពីជើងភ្នំរហូតដល់លើប្រាសាទ...