ព័ត៌មានជាតិ

ក្នុងរមណីយដ្ឋានអង្គរនៅគ្រប់ការដ្ឋានជួសជុលប្រាសាទបុរាណដែលធ្វើពីថ្មភក់ គេតែងឃើញក្រុមអ្នកជំនាញការងារជាច្រើនផ្នែកបំពេញការងាររៀងៗខ្លួនយ៉ាងយកចិត្តទុកដាក់។ ជំនាញការងារ បានលើកឡើងថា ជំនាញផ្នែកតថ្មប្រាសាទដែលបាក់បែក គឺជាផ្នែកសំខាន់មួយក្នុងការចូលរួមជួសជុលប្រាសាទបុរាណដែរ។ ជាក់ស្តែង ការដ្ឋានជួលជុលខ្លោងទ្វារខាងកើតនៃប្រាសាទតាព្រហ្ម ក្រុមការងារទទួលបន្ទុកការងារតថ្មប្រាសាទ ដែលបាក់បែកឱ្យរឹងមាំឡើងវិញ ដើម្បីយកថ្មទាំងនោះទៅដាក់នៅតាមកន្លែងដើមរបស់វា។ក្រុមអ្នកតថ្ម ដែលបាក់បែកឬខូចខាតទាំងនោះ បានប្រើទេពកោសល្យអស់ពីលទ្ធភាព ព្រមទាំងមានការអត់ធ្មត់ ភាពប៉ិនប្រសព្វ និងម៉ត់ចត់ផង ពីព្រោះតែថ្មខ្លះមានសភាពពុកផុយខ្លាំង និងថ្មខ្លះទៀតមានក្បាច់លម្អដែលត្រូវការរក្សាសភាពដើម។ ជាពិសេសទៅទៀត គឺការដាប់ថ្មថ្មីតម្រូវឱ្យស៊ីគ្នាជាមួយនិងថ្មចាស់។...

ពុទ្ធភាសិត និងបុរាណភាសិត និងពាក្យស្លោករាប់រយពាក្យ ត្រូវបានព្រះគ្រូចៅអធិការវត្តស្វាយរមៀត រៀបចំដាក់បង្ហាញនៅក្នុងបរិវេណវត្ត សម្រាប់ឱ្យយុវជន និងភ្ញៀវទេសចរបានឈ្វេងយល់ និងសិក្សារៀនសូត្រ ព្រោះពុទ្ធភាសិត បុរាណភាសិតទាំងនេះ បានអប់រំមនុស្សចេះដឹងសុខត្រូវ និងធ្វើតែអំពើល្អ។ ព្រះសច្ចានុបាល នឿម វុទ្ធី ព្រះគ្រូចៅអធិការវត្តស្វាយរមៀត ស្ថិតនៅភូមិបន្ទាយឈើ សង្កាត់ទឹកវិល ក្រុងសៀមរាប ខេត្តសៀមរាប...

អំពូលសូឡាចំនួន៣០០អំពូល ត្រូវបានបំពាក់បន្ថែមទៀត នៅតាមដងផ្លូវមុខផ្ទះប្រជាពលរដ្ឋ ក្នុងភូមិសាស្រ្តឃុំរំចេក ស្រុកបន្ទាយស្រី ខេត្តសៀមរាប ដើម្បីកាត់បន្ថយគ្រោះថ្នាក់ចរាចរណ៍ និងបង្កើនសុវត្ថិភាពក្នុងភូមិ-ឃុំពេលយប់ ដែលត្រូវបានប្រារព្ធពិធីបើកការដ្ឋានដាក់អំពូលសូឡា កាលពីរសៀលថ្ងៃទី០១ ខែមិថុនា ឆ្នាំ២០២៣ម្សិលមិញនេះ ក្រោមអធិបតីភាព ឯកឧត្តម សែម សុវណ្ណនី ប្រធានក្រុមការងារថ្នាក់ជាតិចុះមូលដ្ឋានស្រុកបន្ទាយស្រី ។ ឯកឧត្តម សែម...

មន្ត្រីជាន់ខ្ពស់ក្រសួងបរិស្ថានបានឲ្យដឹងថា ចាប់តាំងពីមានយុទ្ធនាករអន្ទាក់សូន្យ មានភោជនីយដ្ឋានជាច្រើនបានប្រកាសចូលរួម ដោយពួកគេមិនជួញដូរ ឬធ្វើម្ហូបអំពីសាច់សត្វព្រៃដើម្បីលក់ជូនអតិថិជនឡើយ ហើយជាមួយគ្នានោះយ៉ាងហោចណាស់ ក៏មានភោជនីយដ្ឋានចំនួន១០ នៅក្នុងខេត្តសៀមរាប បានប្តេជ្ញាមិនលក់សាច់សត្វព្រៃ។ ថ្លែងក្នុងសន្និសីទសារព័ត៌មាន ស្តីពីយុទ្ធនាការអន្ទាក់សូន្យ ដំណាក់កាលទី២ នៅមន្ទីរបរិស្ថានខេត្តសៀមរាប កាលពីរសៀលថ្ងៃទី១ ខែមិថុនា ឆ្នាំ២០២៣ រដ្ឋលេខាធិការក្រសួងបរិស្ថាន ឯកឧត្តម នេត្រ ភក្ត្រា...

ដើម្បីលើកទឹកចិត្ដដល់កុមារ ក្នុងឱកាសអបអរសាទរខួបលើកទី៧៤ ទិវាកុមារអន្ដរជាតិ ១មិថុនា និងការព្យាបាលជំងឺកុមារដោយមិនគិតថ្លៃរបស់មន្ទីរពេទ្យកុមារអង្គរ នៅព្រឹកថ្ងៃទី១ ខែមិថុនា ឆ្នាំ២០២៣នេះ សាលាកុមារសុវណ្ណភូមិខេត្ដសៀមរាប រួមនឹងអាណាព្យាបាលសិស្ស បាននាំយកសម្ភារៈ និងថវិកាមួយចំនួនជួយឧបត្ថម្ភដល់មន្ទីរពេទ្យកុមារអង្គរ។ កញ្ញា យក់ សុគីម នាយិកាសាលារៀនកុមារសុវណ្ណភូមិ ខេត្ដសៀមរាប បានបញ្ជាក់ថា អំណោយជាសម្ភារៈសិក្សាដែលនាំយកមកប្រគល់ជូននាពេលនេះ ទទួលបានពីសាលារៀនសុវណ្ណភូមិ...

ផ្លូវដីសមួយខ្សែ ប្រវែង ៤,៥០០ម៉ែត្រ ក្នុងឃុំខ្នារសណ្ដាយ ស្រុកបន្ទាយស្រី ខេត្តសៀមរាប ត្រូវបានបើកការដ្ឋានសាងសងជាផ្លូវការ នៅព្រឹកថ្ងៃទី០១ ខែមិថុនា ឆ្នាំ២០២៣នេះ ក្រោមវត្តមានឯកឧត្តម សែម សុវណ្ណនី ប្រធានក្រុមការងារថ្នាក់ជាតិចុះមូលដ្ឋានស្រុកបន្ទាយស្រី ដើម្បីសម្រួលដល់ការធ្វើដំណើរ និងដឹកជញ្ជូន ផលិតផលកសិកម្ម ក៏ដូចជាទៅទទួលសេវាផ្សេងៗ ជូនប្រជាពលរដ្ឋក្នុងមូលដ្ឋាន។ បើតាមលោក...

គម្រោងសាងសង់ផ្លូវបេតុងអាមេចំនួនពីរខ្សែ ក្នុងឃុំចំនួន២ នៃស្រុកបន្ទាយស្រី គឺត្បែង និងឃុំរុនតាឯក ដែលជាគម្រោងមូលនិធិឃុំសង្កាត់ឆ្នាំ២០២៣ ត្រូវបានប្រកាសដាក់ឲ្យដេញថ្លៃជាស្ថាបពរ នៅថ្ងៃទី៣១ ខែឧសភា ឆ្នាំ២០២៣ ដោយក្នុងនោះមានការចូលរួមពីមន្ត្រីបច្ចេកទេសសាលាខេត្តសៀមរាប មន្ត្រីបច្ចេកទេសក្រុងសៀមរាប គណៈកម្មការលទ្ធកម្មនៃឃុំទាំង២ និងក្រុមហ៊ុនម៉ៅការផងដែរ។ លោក ហ៊ាប ថា ប្រធានគណៈកម្មការលទ្ធកម្មឃុំត្បែង បានឲ្យដឹងថា គណៈកម្មការលទ្ធកម្មឃុំ...

អំពូលសូឡាចំនួន២៤០អំពូល បន្ថែមទៀតក្នុងភូមិសាស្រ្តឃុំរុនតាឯក ស្រុកបន្ទាយស្រី ខេត្តសៀមរាប បានដាក់អោយប្រើប្រាស់ ដើម្បីឱ្យ ភូមិ ឃុំ មានសុវត្ថិភាព នៅតាមទីជនបទ ជាពិសេសជួយកាត់បន្ថយគ្រោះថ្នាក់ចរាចរណ៍នៅពេលយប់ ។ ពិធីដាក់អោយប្រើប្រាស់ផ្លូវការអំពូលសូឡា ជាផ្លូវការនេះធ្វើឡើងក្រោមអធិបតីភាពឯកឧត្តម សែម សុវណ្ណនី ប្រធានក្រុមការងារថ្នាក់ជាតិចុះមូលដ្ឋានស្រុកបន្ទាយស្រី នៅថ្ងៃទី៣១ ខែឧសភា ឆ្នាំ២០២៣នេះ...