ទិវារត់ប្រណាំងពាក់កណ្តាលម៉ារ៉ាតុងអន្តរជាតិអង្គរ ត្រូវលើកទៅដើមខែកុម្ភៈ និងវិនិច្ឆ័យលទ្ធផលដោយប្រព័ន្ធឌីជីថល

នៅក្នុងសន្និសីទសារព័ត៌មានរៀបចំដោយគណៈកម្មាធិការជាតិអូឡាំពិកកម្ពុជា ព្រឹកថ្ងៃទី១៥ ខែមករា ឆ្នាំ២០២១ បង្ហាញថា ទិវារត់ប្រណាំងពាក់កណ្តាលម៉ារ៉ាតុងអន្តរជាតិអង្គរ (Angkor Wat International Half Marathon) ត្រូវបានប្ដូរទៅជាការរត់ដោយស័្មគ្រចិត្តខ្លួនឯង (Virtual Run) និងលើកទៅរៀបចំនៅថ្ងៃទី០៦ និងទី០៧ ខែកុម្ភៈ ឆ្នាំ២០២១វិញ។

ការរត់ដោយស័្មគ្រចិត្តខ្លួនឯង (Virtual Run) មានន័យថា កីឡាករ កីឡាការិនីទាំងអស់ អាចរត់នៅទីណាក៏បាន ដោយមិនតម្រូវឲ្យ មានការជួបជុំនៅខាងមុខប្រាសាទអង្គរវត្ត ខេត្តសៀមរាប ដូចសព្វមួយដងនោះទេ។ ដោយឡែកពិធីបើក នឹងរៀបចំឡើងតាមរយៈប្រព័ន្ធបណ្ដាញសង្គម (Social Media) នៅថ្ងៃទី០៥ ខែកុម្ភៈ ឆ្នាំ២០២១។ ក្នុងនោះដែរ លទ្ធផលរត់ស្ម័គ្រចិត្តរបស់កីឡាករ កីឡាការិនីទាំងអស់ នឹងត្រូវវាយតម្លៃតាមរយៈកម្មវិធីទូរស័ព្ទ មែនញ៉ូឡៃម៉ូ (ManulifeMOVE App)។

យោងតាមសេចក្ដីប្រកាសព័ត៌មានរួមគ្នា កាលពីថ្ងៃទី១៤ ខែមករា ឆ្នាំ២០២១ របស់គណៈកម្មាធិការជាតិអូឡាំពិកកម្ពុជា និងក្រសួងទេសចរណ៍ បង្ហាញថា ការលើកពេល និងការផ្លាស់ប្ដូរលក្ខខណ្ឌក្នុងការប្រកួតនេះ គឺដើម្បីការពារសុខភាពសាធារណៈ ដូចជាសុវត្ថិភាពកីឡាករ កីឡាការិនីដែលបានចុះឈ្មោះទាំងអស់ ពីការរីករាលដាលនៃជំងឺកូវីដ-១៩ ដែលនៅបន្តជាបញ្ហាប្រឈមសម្រាប់ប្រទេសកម្ពុជា ក៏ដូចជាពិភពលោកទាំងមូល។

ព័ត៌មានជាតិ ថ្មីៗ

ប្រធានមន្ទីរវប្បធម៌ខេត្តសៀមរាប អំពាវនាវឱ្យប្រជាពលរដ្ឋ ពិសេសយុវជន ប្រើប្រាស់ទិវានៃក្ដីស្រលាញ់ឱ្យបានត្រឹមត្រូវ ប្រកបដោយក្ដីថ្លៃថ្នូរ

13/02/2026

រមណីយដ្ឋានអង្គរទទួលស្វាគមន៍ភ្ញៀវទេសចរយ៉ាងកុះករដើមឆ្នាំ២០២៦ ខណៈទេសចរឥណ្ឌាកើនឡើងគួរឱ្យកត់សម្គាល់

12/01/2026

សេចក្ដីប្រកាសព័ត៌មានដដែលនេះ បញ្ជាក់ថា ចំពោះការមកទទួលសម្ភារចូលរួមប្រកួត និងតម្លើងកម្មវិធីវាយតម្លៃលទ្ធផល មែននូឡាយម៉ូ (ManulifeMOVE App) កីឡាករ កីឡាការិនី អាចមកទំនាក់ទំនងគណៈកម្មាធិការជាតិអូឡាំពិកកម្ពុជា ផ្លូវលេខ១៦៣ សង្កាត់វាលវង់ ខណ្ឌ៧មករា រាជធានីភ្នំពេញ ចាប់ពីថ្ងៃទី២៣-២៤ ខែមករា។ សម្រាប់ខេត្តសៀមរាប ចាប់ពីថ្ងៃទី៣០-៣១ ខែមករា នៅសាខាការិយាល័យមែននូឡាយ ផ្លូវសាលដឺហ្គូល ភូមិមណ្ឌល៣ សង្កាត់ស្លក្រាម ក្រុងសៀមរាប។

សូមជម្រាបថា ទិវារត់ប្រណាំងពាក់កណ្តាលម៉ារ៉ាតុងអន្តរជាតិអង្គរ លើកទី២៥នេះ គ្រោងនឹងរៀបចំនៅថ្ងៃទី២៤ ខែមករា ឆ្នាំ២០២១ បន្ទាប់ពីបានលើកពេលជាច្រើនដង ដោយសារជំងឺកូវីដ-១៩។ ជាចុងក្រោយកម្មវិធីរត់ប្រណាំងសប្បុរសធម៌នេះ ត្រូវបានប្ដូរកាលបរិច្ឆេទជាថ្មី ព្រមទាំងប្ដូរឈ្មោះ និងលក្ខខណ្ឌប្រកួតថ្មីផងដែរ។

គួររំលឹកដែរថា កាលពីខែធ្នូ ឆ្នាំ២០១៩ បានទាក់ទាញកីឡាករ កីឡាការិនីជាតិ និងអន្តរជាតិជាង១ម៉ឺននាក់មកចូលរួម និងទទួលថវិកាបានជាង ១០ម៉ឺនដុល្លារអាមេរិក ពីសប្បុសជន ដើម្បីជួយដល់ការងារមនុស្សធម៌ ជនពិការ និងមន្ទីរពេទ្យកុមារ។

អត្ថបទ៖ លោក សេង ផល្លី
រូបភាព៖ មន្ទីរព័ត៌មានខេត្តសៀមរាប និង Angkor Wat International Half Marathon