រដ្ឋបាលស្រុកស្វាយលើនៃខេត្តសៀមរាប អនុវត្តវិធានការតាមការណែនាំរបស់ក្រសួងសុខាភិបាល ដើម្បីបង្ការ-ទប់ស្កាត់ ការឆ្លងនៃវារុសកូវីត១៩
មកដល់នឹងពេលនេះ ករណីកូវីត-១៩ ពុំបានរកឃើញនៅតាមបណ្តាស្រុកទាំង១១ជុំវិញខេត្តសៀមរាបនៅឡើយនោះទេ បើទោះជាមានការព្រួយបារម្ភពីសំណាក់អាជ្ញាធរមូលដ្ឋាន ក្នុងពេលដែលពលករខ្មែរ បានវិលត្រឡប់មកកាន់មូលដ្ឋានដើមរបស់ខ្លួនវិញនោះ។ ជាក់ស្តែងស្រុកស្វាយលើនៃខេត្តសៀមរាប ដែលមានចម្ងាយប្រហែលជាង៧០គីឡូម៉ែត្រ នៅភាគខាងជើងឈាងខាងកើតនៃក្រុងសៀមរាប មានប្រជាពលរដ្ឋធ្វើចំណាកស្រុកចេញទៅធ្វើការក្រៅប្រទេសប្រមាណជាជាង៥០០នាក់ និងបានវិលត្រឡប់មកវិញជាង១០០នាក់ហើយនោះ ពុំបានរកឃើញករណីកូវីត-១៩នោះឡើយ បន្ទាប់ពីបងប្អូនពលករចំណាកស្រុកទាំងអស់នោះ ត្រូវបានដាក់ការរស់នៅដាច់ដោយឡែក និងតាមដានសុខភាពអស់រយៈពេល១៤ថ្ងៃហើយនោះ។ លោក ឡុង ហំ អភិបាលរងស្រុកស្វាយលើ បានអះអាងជាថ្មីម្តងទៀតនាព្រឹកថ្ងៃទី០៨មេសានេះ ...
