ពលរដ្ឋរស់នៅក្នុងស្រុកប្រាសាទបាគង ខេត្តសៀមរាប សម្ដែងការរីករាយក្រោយទទួលបានផ្លូវបេតុងថ្មីមួយខ្សែ ក្នុងមូលដ្ឋានរបស់ពួកគាត់
ប្រជាពលរដ្ឋជាច្រើនគ្រួសាររស់នៅក្នុងឃុំកន្ទ្រាំង ស្រុកប្រាសាទបាគង ខេត្តសៀមរាប បានសម្ដែងការរីករាយ និងអរគុណដល់រាជរដ្ឋាភិបាល ដែលបានស្ថាបនាផ្លូវបេតុងមួយខ្សែប្រវែងជិតមួយគីឡូម៉ែត្រ ក្នុងមូលដ្ឋានរបស់ពួកគាត់ ខណៈដែលផ្លូវនេះកំពុងកសាងជិតរួចរាល់ហើយដោយមូលនិធិឃុំ។ ប្រជាពលរដ្ឋ រស់នៅភូមិតាត្រាវ ឃុំកន្ទ្រាំង បានឱ្យដឹងនៅរសៀលថ្ងៃទី២៣ ខែឧសភា ឆ្នាំ២០២៣នេះថា កន្លងមកផ្លូវខ្សែនេះមានការលំបាកធ្វើដំណើរដោយនៅរដូវវស្សាទឹកលិច និងពេលរដូវប្រាំងមានជង្ហុកធំៗ។ ចំនែកផ្លូវថ្មីដែលកំពុងស្ថាបនានេះជាផ្លូវបេតុងថ្មីធំទូលាយ ដែលវានឹងជួយសម្រួលការធ្វើដំណើរប្រជាពលរដ្ឋក្នុងការដឹកជញ្ជូនដំណាំកសិកម្ម ងាយស្រួលសិស្សានុសិស្សធ្វើដំណើរទៅសាលារៀន ជាពិសេសជួយលើកស្ទួយកម្ពស់ជីវភាព ...
